"Horiseik lokraik ami enkontru liña ministeriál, ami foti ona desizaun para kuarentena obrigatóriu ba sidadaun Timor hanesan estudante ka traballadór ne'ebé mai husi li'ur," dehan Vise Ministru Dezenvolvimentu Estratéjiku Saúde, Bonifácio Maucoli dos Reis ba www.tempotimor.com, via telemóvel, Sesta (20/3).
Maucoli hatutan, fatin ne'ebé sai kuarentena obrigatóriu ka fatin observasaun ba sidadaun Timor sira mak Polisia Akadémia Komoro, nune'e perpara fatin toba pelumenus 200-resin.
"Sé-sé de'it mai tama lai iha ne'ebá (kuarentena) para halo observasaun loron 14, bainhira laiha sintoma ruma bele haruka ba uma," dehan Maucoli.
Bainhira identifika mak iha balun hetan sintoma ruma relasiona ho Covid-19 diretamente transfere kedas ba Tibar.
Entertantu, duadaun Timor-Leste deside ona Lockdown, maibe nafatin loke ba sidadaun Timor bele tama inklui estranjeiru sira ne'ebé halo servisu iha Timor, maibe ba sidadaun nasaun 147 ne'ebé Governu deside hapara viajen provizoriamente labele tama iha Timor-Leste. (*)