Nune'e, tuir prosedura, estudante timoroan ne'e sei halo durante semana rua molok fila mai Timor-Leste.
Informasaun ne'ebé www.tempotimor.com hetan husi Ministériu Negósiu Estranjeiru no Kooperasaun (MNEK) Timor-Leste katak, estudante timoroan ne'e evakua hamutuk ho sidadaun Nova Zelándia, Austrália no Pacific Island ho avião Air New Zealand Boeing 777-200.
Aviaun ne'e arranka husi Wuhan kalan 11.00 (local time) ba Auckland, Nova Zelândia. Nune'e, aviaun ho numero NZ1942 sei to'o iha Auckland International Airport, Kuarta (5/2) loraik, oras Nova Zelándia (NZT).
Aviaun ne'e komanda husi Air New Zealand Chief Operational Integrity and Standards Officer, Captain David Morgan.
Ministru Negósiu Estranjeiru no Kooperasaun Timor-Leste, Dionísio Babo Soares, sente haksolok ho asisténsia Nova Zelándia nian.
Nune'e, lori governu no povu Timor-Leste hato’o obrigado wa'in ba estadu no governu Nova Zelândia, liuliu ba Vise Primeiru Ministru no Ministru Negósiu Estranjeiru, Hon Winstons Petters ba apoiu no prontidaun ne'ebé estende sidadaun Timor-Leste na'in 17 sai husi Wuhan, Xina.