Deskonfia Timor Oan Foin Fila Husi Xina Halai Subar

MNEK Dionisio Soares Babo ko'alia ba jornalista sira iha Palasiu do Governu MNEK Dionisio Soares Babo ko'alia ba jornalista sira iha Palasiu do Governu Foto arkivu Tempo Timor

Tempotimor (Dili)-Ministru Negosiu Estranjeiru no Kooperasaun (MNEK) Dionisio Babo hatete, iha Timor-oan balun ne'ebé foin fila husi Xina halai husi aeroportu hodi ba subar no lakohi aprezenta aan ba mediku sira hodi halo teste.

Ministru Dionisio dehan, iha informasaun balun ne'ebé nia parte simu hatete katak Timor-oan balun foin to'o iha aeroportu maibé halai kedan ba subar.

"Timor-oan balun ne'ebé tuir informasaun ami rona katak balun husi Xina to'o mai ona mais halai kedas ba subar, subar iha sira-nia uma," dehan ministru ne'e iha palasiu governu, Segunda (03/02).

Tan ne'e, nia apela ba Timor-oan ne'e atu aprezenta aan ba mediku sira hodi bele halo teste no tama iha fatin izolamentu.

"Halo favor ida tenke ba aprezenta aan ba ministériu saúde ou ospital no inan-aman sira tenke lori sira ba par tama iha fatin izolamentu ka observasaun nian, tanba ne'e perigu tebes," dehan Babo .

Bainhira mai nonook de'it no subar tan, karik hetan ona infeksaun husi virus corona bele fó perigu boot ba nasaun.

"Kuandu mai nonook de'it, ita la hatene sira moras iha ka lae depois da'et tiha ba ema sira seluk mak foin hatene, ne'e labele, tanba ne'e tenke kuidadu ho situasaun sira hanesan ne'e".

"Timor-oan balun mai la aprezenta aan, ba liu kedas sira-nia familia, tanba sira hanoin katak di'ak hela, maibé ne'e labele," dehan nia.

Tan ne'e, Babo apela ba see de'it mak foin fila husi Xina atu tenke liu husi prosesu teste no tama iha fatin izolamentu hafoin la identifika moras mak bele fila ba uma.

Rate this item
(1 Vote)
Last modified on Tuesday, 04 February 2020 00:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com