Login to your account

Username *
Password *
Remember Me

Governu Hato'o Sentidu Kondolensia ba Família Shirley Shackleton iha Austrália

Primeiru Ministru, Taur Matan Ruak, konversa hela ho matebian Shirley Shackleton, ne’ebé antes ne’e sei moris. Primeiru Ministru, Taur Matan Ruak, konversa hela ho matebian Shirley Shackleton, ne’ebé antes ne’e sei moris. Foto Suplay

Tempotimor (Dili)-Ministru Prezidensia Konsellu Ministru (MPKM), Fidelis Leite Magalhaes reprezenta Governu hato'o sentidu kondolensia ba família matebian Shirley Shackleton ne'ebé hakotu iis iha loron 15 fulan-janeiru tinan 2023.

"Governu Repúblika Demokrátika Timor-Leste simu notisia ida kona-ba Shirley Shackleton nia mate, faluk husi jornalista Greg Shackleton ne'ebé mak ho Balibó Five ne'ebé mak Forsa Indonézia oho iha loron 16 fulan-outubru tinan 1975", haktuir komunikadu governu ne'ebé www.tempotimor.com asesu iha segunda, (16/01).

Matebian Shirley Shackleton moris iha loron 26 fulan-dezembru tinan 1931 iha Plympton, Adelaide, Austrália.

Momentu matebian Shirley Shackleton nia kaben mane Greg Shackleton Jornalista ida ne'ebé forsa indonesia oho hamutuk ho jornalista na'in haat seluk ne'ebé defende povu Timor-Leste nia luta ba autodeterminasaun ukun rasik.

Matebian antes ne'e, sai diretora ba Balibó House Trust, nu'udar organizasaun ne'ebé ajuda estabelese, responsável ba rekuperasaun husi Austrália Flag House, nune'e mós projetu sosiál iha Balibó ne'ebé homenagem ba memoria jornalista na'in lima.

Jornalista ne'ebé mate iha Balibó iha tinan 1975 mak hanesan Greg Shackleton e Tony Stewart husi Austrália, Malcolm Rennie e Brian Peters jornalista husi britaniku, no Gary Cunningham husi Neozelnadês.

Iha tinan 2010 matebian hakerek livru ida ho tópiku “O Círculo do Silêncio: Um Testemunho Pessoal Antes, Durante e Depois de Balibo”.

Nune’e, iha tinan 2013 rekoñesimentu ba nia signifikativu ba kontribuisaun benefisiu Timor-Leste no timorense ne'ebé kondekora medalla Ordem de Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter