Login to your account

Username *
Password *
Remember Me

Deskonfia Mota Lori Lakon Sidadaun-ida iha Laga

Família sira buka hela sidadaun Josefina Geralda Ximenes iha mota laran, Suku Tekinomata, Postu Administrativu Laga. Família sira buka hela sidadaun Josefina Geralda Ximenes iha mota laran, Suku Tekinomata, Postu Administrativu Laga. Foto Suplay

Tempotimor (Baukau)-Loron 24 fulan-dezembru tinan-2022, sidadaun feto-ida lakon iha Suku Tekinomata, Postu Administrativu Laga Munisípiu Baukau, família deskonfia mota mak lori.

Sidadaun ne’e nia identidade, naran Josefina Geralda Ximenes ho idade 57 husi Aldeia Iti-Daho (Samaguia), Suku Tekinomata, Postu Administrativu Laga.

Família, Arnaldo filipe ximenes, haktuir, iha loron 24 fulan-dezembru tinan-2022 inan ferik ba hein bibi iha área Samaguai, maibé to'o kalan la fila hikas ba uma.

Nune'e, parte família buka tuir, maibé konsege hetan sasan ne'ebé inan ferik durante uza loro-loron ba hein bibi nian hanesan, kohe bua malus nian, sumbriña inklui roupa hatais lipá no kalsa iha mota laran.

"Ami família buka tuir to'o ohin loron 3 ona mais seidauk hetan, maibé mota lori ami rasik laharee ho matan i laiha ema ruma mak haree ho matan dehan ferik ne'e mota mak lori, maibé nia sasan mak ami hetan iha mota laran, ne'e mak ami família deskomfia mota mak lori", dehan nia ba www.tempotimor.com via telefone, Tersa (27/12).

Prosesu buka tuir durante loron 3, kompostu husi família inan ferik nian inklui parte Servisu Protesaun Sivil, Bombeiru, Cruz Vermelha Timor-Leste, maibé seidaauk hetan.

"Ami buka tuir husi fatin deskomfia mota laran to'o tasi ibun tekinomata nian mós la hatan, mai fali fatin deskomfia ami ke'e rai henek sira ne'e, buka hotu iha mota ninin sira ne'e mós ami la hetan", nia informa. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter