Login to your account

Username *
Password *
Remember Me

Labarik Barak sai Vítima ba Lixu iha Tibar

Lixu iha Tibar. Lixu iha Tibar. Foto Tempo Timor

Tempotimor (Dili)-Lixu ne’ebé kada loron fakar iha área Tibar hamosu iis no ahi-su’ar, afeita ba labarik barak mak sai vítima, tanba hetan moras ispa ka dada iis-boot.

 Nune’e, Xefe Suku Tibar, Bento Correia da Conceição husu ba Prezidente Repúblika, José Manuel Ramos Horta atu ko'alia ho Governu hodi halo konstrusaun ba lixu fatin Tibar ne'ebé durante abandona hela.

"Husu ba reprezentante Prezidente Repúblika katak, sé bele karik hadi’a netik lixu fatin ne'e, tanba lixu ida ne'e la'ós Suku Tibar nian, maibé nasaun nian, agora lixu ne'e mak su'ar bebeik kalan loron, governu lakohi haree, tanba labarik sira ne'ebé moris agora iss boot iha ona”, dehan nia hafoin reprezentante Prezidente Repúblika marka prezensa iha Primeiru lansamentu kafé Organiku ba estranjeiru iha Tibar, (18/11).

Nu'udar autoridade lokal iha suku Tibar, tatoli de'it, tanba nia rasik la iha osan atu rezolve problema lixu iha Tibar, tanba governu ba survey bebeik atu hadi’a, maibé to'o agora seidauk realiza.

"Ha'u kestiona, tanba tinan barak halo dezenvovimentu dala hira harii, bongkar hela de'it to'o agora kalan no loron ahi susar de'it nune'e tama to'o ami populasaun Tibar ne'e ibun ku'ak laran", dehan nia.

Alende, labarik barak hetan moras ispa, adultu ka Katuas no Ferik sira maioria mós afeita ba moras tuberculose, tanba afeita husi lixu refere.

"Uluk ne'e Ministériu sira mai fo karau haat ba komunidade sira hodi loke hela buat ne'e, karau haat ne'e populasaun han tiha de'it, ikus la realiza, kompaña ba keta estadu ba ketak populasaun ba ketak", nia deklara

Nune'e, husu ba parte relevante sira, bainhira Orsamentu Jerál Estadu tinan 2023 halo aprovasaun no hetan promulgasaun husi Xefe estadu tenke halo konstrusaun ba lixu fatin iha Tibar hodi redúz moras ispa no tuberculose. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter