Moras Mental ne’ebé Governu sei Abandona

Ema nia oan ne'e sempre tuur iha besik iha liuron ninin diresaun eis merkadu Bekora, Dili (05/11) Ema nia oan ne'e sempre tuur iha besik iha liuron ninin diresaun eis merkadu Bekora, Dili (05/11) Foto tempotimor.com

Tempotimor (Dili)-Ema ho moras mental iha Timor Leste to’o ohin loron seidauk hetan fatin seguru atu akumula sira no hala’o tratamentu ba sira-nia moras.

Tuir dadus husi Asosiasaun Defisiente Timor Leste (ADTL) kuaze ema na’in rihun 30 mak enfrenta problema mental no seidauk hetan atensaun husi parte kompetente sira.

"Ami-nia rekomendasaun ba governu atu tau ona fatin propriu ba ema ho moras mental sira par hamenus risku ba sira, tanba realidade moras mental sira la'o hela iha dalan ninin, laiha familia ida atu buka tuir, entaun tenke kria duni fatin ba sira," deklara Diretór Ezekutivu ADTL Cesario da Silva hafoin hasoru-malu ho Primeiru Ministru Taur Matan Ruak iha palasiu governu, Tersa (05/11/19).

Cesario dehan, ADTL preokupa ho kondisaun ida ne’e maibé ADTL laiha fatin ne’ebé sufisiente atu bele akumula ema ho defisiensia mental ka moras mental.

Tan ne’e, nia afirma, governu presiza prepara fatin ba sira, tanba iha kazu balun feto balun ne’ebé sofre moras mental hetan violasaun sexual husi ema normal balun.

"Ami hakarak uma mahon ba ema ho moras mental governu mak kria hodi halo kooperasaun serbisu ho organizasaun defisiente sira,” dehan nia.

Tuir dadus ne'ebe iha numeru ema moras mental husi tempo ba tempo aumenta beibeik iha liuron ninin kapital Timor Leste.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com