Ba konfiansa ida-ne'e, Country Director Plan International Timor-Leste (PITL), Dillyana Ximenes hatete, sira sente agradese tanba Estadu bele fó fiar ba sira atu hamutuk halo kampaña espesiál ne'e.

“Daruak mós hakarak atu agradese tanba fiar ne'ebé sua eselénsia ba plan atu la'o hamutuk halo kampaña espesiál ba Munisípiu Ainaro, atu hasa'e nutrisaun no hamenus mánutrisaun iha Ainaru”, dehan nia hafoin audénsia ho PR Horta iha Palásiu Prezidensial Bairo Pite, kuarta (17/08).

Objetivu prinsipál ne'ebé Plan Internasional iha mak atu avansa diretu labarik no igualidade ba labarik feto, entaun programa hothotu no liliu labarik feto ho diversidade ida-ne'e mak durante ne'e sai alvu ba atividade hothotu ne'ebé Plan Internasional iha.

Maibé atu reduz labarik envolve iha servisu negósiu ida-ne'e la'ós Plan Internasionál mesak de'it, maibé iha parseiru barak ne'ebé hamutuk ho Governu no organizasaun sosiedade sivíl nasionál no internasiona inklui doador sira sempre servisu hamutuk atu asegura labarik mane ka feto sira atu iha diversidade bele goza sira-nia diretu ho di'ak. (*)