Login to your account

Username *
Password *
Remember Me

PM Taur Asiste Lansamentu Labratóriu LAP no Karreta Van TB

Primeiru Ministru (PM), Taur Matan Ruak Primeiru Ministru (PM), Taur Matan Ruak Foto Suplay

Tempotimor (Dili)-Primeiru Ministru (PM), Taur Matan Ruak, hamutuk ho Ministra Saúde, Odete Maria Freitas Belo no Reprezentante OMS iha Timor-Leste, Arvind Mathur, hala’o lansamentu ba Laboratóriu Line Probe Assay (LAP) no karreta Van TB móvel ba diagnóstiku moras tuberkuloze (TB) iha Laboratóriu Nasionál Bidau.

Tuir informasaun ne’ebé www.tempotimor.com, asesu iha pájina Primeiru Ministru, segunda (08/08) katak, iha serimónia ne’e entrega mós motorizada 10 no karreta Prado ida husi OMS ba Ministériu Saúde atu fasilita serbisu Laboratóriu Nasionál nian liliu ba programa Tuberkuloze.

Tanba ne’e Pimeiru Ministru Taur husu ba ema hotu atu hakbesik-an fasilidade saúde hodi koko kaben tasak hodi bele identifika sedu moras tuberkuloze nune’e bele halo prevensaun no kombate sedu.

“Ita-boot sira hatene ohin ita lansa laboratóriu movel ba tuberkuloze nian, ita iha materiál di’ak para teste identifika moras tuberkuloze, husu para hothotu dezde labarik to’o katuas liliu joven sira bele kontribui fó kaben tasak para hatene sá moras mak ita iha, moras tuberkuloze, para komete sedu ne’e importante loos”, esplika Xefe Governu.

Hafoin remata serimónia lansamentu laboratóriu LAP no Karreta van TB, Xefe Governu akompaña husi Ministra Saúde, Reprezentante OMS, no dirijente Ministériu Saúde vizita mós laboratóriu teste COVID-19, hafoin ne’e kontinua ba vizita sala maternidade HNGV nian hodi enkoraja inan sira atu fó susu de'it inan nian susuben ba bebé to’o fulan-neen, no kontinua to'o tinan 2, iha ámbitu kampaña semana ida (1-7 agostu) loron mundial fó susuben inan nian ba bebé. (*)

Rate this item
(0 votes)
Last modified on Monday, 08 August 2022 13:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter