UNICEF Entrega Kamioneta Ekipamentu ba MS

By Tempo Timor July 31, 2022 500

font size decrease font size increase font size
Print
Email

Enkaregada Reprezentante País UNICEF, Emmanulle Collet, entrega direta kareta kamioneta ho ekipamentu ba Ministra Saúde (MS), Odeta Maria Freitas Belo. Foto Suplay

Tempotimor (Dili)-Fundus Nasoins Unidas ba Labarik (UNICEF) Timor-Leste entrega ona kamioneta ekipadu ho ekipamentu promosionál no materiál relasionadu ba Ministériu Saúde atubele utiliza hodi halo antedimentu ba komunidade sira.

Tuir informasaun ne’ebé www.tempotimor.com, asesu iha pájina UNICEF Timor-Leste, domingu (31/07) katak, kamioneta ekipadu ho ekipamentu promosional no material relasionadu entrega iha munisípiu Ainaro.

Kamioneta ho materiál ne’e, Enkaregada Reprezentante País UNICEF, Emmanulle Collet, entrega direta ba Ministra Saúde (MS), Odeta Maria Freitas Belo.

Kaminoneta potensiál rua ne’e dezeñu espesiál hodi projeta vídeo sira ba konsientizasaun, transmisaun mensajen audiu sira, armazena materiál konsientizasaun kona-ba saúde nian, kulinária no demonstrasaun sira seluk.

Tanba ne’e, sei uza ba asaun konsientizasaun nasionál no minisipál sira iha merkadu, komunidade no fatin remota sira.

Iha serimónia ne’e, ,arka prezensa husi Diretora Jerál Servisu Saúde, Odete da Silva Viegas, Reprezentante Organnizasaun Mundiál Saúde (OMS), Arvind Mathur, no konvidadu sira seluk. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com