Login to your account

Username *
Password *
Remember Me

MS ho Embaisadór Japaun Inaugura Postu Saúde Souro

Minsitra Saúde (MS), Odete Maria Freitas Belo ho Embaixadór Japaun mai Timor-Leste, Kinefuchi Masami tesi hela fila Postu Saúde Souro. Minsitra Saúde (MS), Odete Maria Freitas Belo ho Embaixadór Japaun mai Timor-Leste, Kinefuchi Masami tesi hela fila Postu Saúde Souro. Foto Suplay

Tempotimor (Dili)-Minsitra Saúde (MS), Odete Maria Freitas Belo ho Embaixadór Japaun mai Timor-Leste, Kinefuchi Masami Inaugura Postu Saúde Souro, iha Postu Adiministrativu Lospalos, Munisípiu Lautein.

Tuir informasaun ne’ebé www.tempotimor.com, asesu iha pájina SEA, sábadu (30/07) katak, Minsitra Saúde, Odete hato'o agradese ba Governu no povu Japaun liuhusi Embaixadór Japaun ne'ebé apoiu Ministériu Saúde hodi hari’i tan konstrusaun Postu Saúde iha Suku Souro.

“Primeiru ha'u hakarak atu hato'o agradese barak ba ita-nia parseiru Governu Japaun ne'ebé Embaixadór iha-ne'e ho inisiativa tomak ne'ebé mak konstrusaun sira mak halo la'ós Lospalos de'it maibé halo mós iha Munisípiu sira seluk hanesan ohin señor Embaixadór hato'o ona la'ós iha konstrusaun mak Governu Japaun apoiu ita maibé apoiu mós iha ekipamentu médiku, iha kapasitasaun nomós ikus liu wainhira ita tama iha pandemia Covid-19 ita mós hetan apoiu lubuk ida hanesan vasina nomós konsumiveis sira ne'ebé hanesan máskara, hand sanitizer, prontu ita hetan apoiu lubuk ida husi Embaixada ida-ne'e husi povu Japaun”, dehan Ministra Saúde Odete.

Tanba Polítika Ministériu Saúde mós hakarak atu hari’i Postu Saúde ida-idak iha Suku ida-idak siknifika iha Suku atushaat-resin presiza iha Postu Saúde atushaat-resin.

Postu Administrativu Lospalos iha Suku 34, dadaun iha Postu Saúde neen  siknifika sei presiza tan 20-resin atu hari’i tan iha suku sira, maibé ho neineik ministériu saúde koko atu hari’i nomós apoiu husi parseiru sira ne'ebé mak iha atubele kompleta nesesidade ne'ebé planeia hela iha planu estratéjiku sira.

“Parabéns ba ita-boot sira ne'ebé hetan edifísiu ida ba postu saúde ba aldeia 7 ho nia populasaun totál rihun-haat-resin siknifika katak ita-nia inan aman sira, ferik katuas sira la presiza la'o dook ba to'o iha Lospalos vila atu hetan asisténsia maibé fatin ida-ne'e bele dada besik mai to'o iha ne'e”, afirma nia.

Postu saúde no sentru saúde ne'ebé hari’i objetivu atu reduz númeru mortalidade no reduz númeru moras iha Timor-Leste tuir polítika estratéjia Ministériu Saúde tanba ne'e, hakbesik-an ba fasilidade saúde ne'ebé iha hodi simu informasaun kona-ba prevensaun no promosaun nian.

“Ita mós hatene katak postu saúde fatin ne'ebé mak bele hetan informasaun, fatin sira ne'ebé mak bele hetan serbísu sira prevensaun nian entaun promosaun katak ita-boot sira iha direitu tomak atu hetan informasaun kona-ba moras no ita ko'alia kona-ba prevensaun katak ita tenke prevene ita-nia an antes atu moras entaun ita-nia oan ki’ik sira ita tenke lori mai simu vasina, lori mai tetu sira asegura katak sira labele monu ba mánutrisaun, inan isin-rua sira tenke mai konsulta wainhira sente mesturasaun la mai ona, labele hein to'o atu besik tuur ahi mak mai ne'e sala maibé sente la mesturasaun ona tenke mai hasoru malu ho enfermeiru, parteira sira dala-4 durante bebé iha ita-nia kanotak”, hatete Ministra Odete.

Enkuantu Ministériu Saúde mós hato'o agradese ba Organizasaun Naun Governamentál HADEZTA ne'ebe nu'udar parseria di’ak ho Povu Japaun hodi hari’i ba konstrusaun Postu Saúde Souro.

Partisípa iha inaugurasaun mak Administradór Munisípiu Lautein, Administradór Postu, Xefe Suku, Xefe Aldeia, Padre, ONG HADEZTA, PNTL, Veteranu sira, lia-na’in, Diretór Jerál no Diretór Nasionál Ministériu Saúde no seluk tan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter