Print this page

MS Aprezenta Master Plan Projetu Konstrusaun HNGV ba JICA

Ministra Saúde (MS), Odete Maria Freitas Belo ko’alia hela ho Xefe Reprezentante JICA iha Timor-Leste Señór Goto Ko. Ministra Saúde (MS), Odete Maria Freitas Belo ko’alia hela ho Xefe Reprezentante JICA iha Timor-Leste Señór Goto Ko. Foto Suplay

Tempotimor (Dili)-Ministra Saúde (MS), Odete Maria Freitas Belo aprezenta master Plan projetu Konstrusaun Hospital Nacional Guido Valadares (HNGV) ba Xefe Reprezentante JICA iha Timor-Leste Señór Goto Ko ho nia ekipa iha Palásiu Sinzas, Kaikoli, Dili.

Tuir informasaun ne’ebé www.tempotimor.com, asesu iha pájina Palásiu Sinzas, kinta (28/07) katak, relasiona ho pedidu Primeiru Ministru (PM), Taur Matan Ruak nian ba Governu Japaun liuhusi Embaixadór Japaun ba Timor-Leste iha fulan hirak liubá, ho nune'e Governu Japaun haruka ekipa tékniku ida husi JICA hasoru ministériu saúde.

Iha reuñiaun tékniku ne'e parte rua diskute kona-ba oinsá atu haree área prioridade husi ministériu saúde nian.

Ministra Saúde ho ekipa tékniku husi MS nian iha biban ne'e aprezenta área prioridade ida mak master plan ba projetu konstrusaun Ospitál Nasionál Guido Valadares.

Akompaña iha reuñiaun ne'e mak Diretór Gabinete Polítika Koperasaun Saúde, Narcisio Fernandes, Asesor Tékniku, Alvaro Abrantes, Konsultant Team Leader Thadatoshy Tsumoto no ekipa sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items