Tuir informasaun ne’ebé www.tempotimor.com asesu iha pájina Palásiu Sinza, segunda (04/07) katak, udan-boot ne'ebé maka'as iha loron kinta, 30 juñu 2022, hamosu inundasaun hodi rezulta murru protesaun sentru saúde vila iha Munisípiu Covalima monu inklui ekipa médiku no ai-moruk balu iha sentru saúde hetan estragu.

Ho situasaun ne'ebé akontese, Ministra saúde ho ekipa tékniku hala'o observasaun ida ba fatin akontesimentu hodi buka solusaun atu rezolve hikas situasaun ne'e.

“Ha'u preokupa ho ai-moruk ho vasina sira ne'ebé ita armajena iha sentru saúde laran, alein ne'e ami sei ba mós vizita komunidade balu ne'ebé mak enfrenta hela susar ida-ne'ebé impaktu husi inundasaun ida-ne'e”, dehan Ministra Odete. (*)