Print this page

PM Taur Fila Hikas Mai TL Hafoin Tratamentu Saúde iha Singapura

Primeiru Ministru (PM), Taur Matan Ruak, tun hela husi aviaun Batik Air, iha Aeroportu Komoro, kuarta (29/06). Primeiru Ministru (PM), Taur Matan Ruak, tun hela husi aviaun Batik Air, iha Aeroportu Komoro, kuarta (29/06). Foto Suplay

Tempotimor (Dili)-Primeiru Ministru (PM), Taur Matan Ruak, iha loron kuarta (29/06), fila hikas ona mai fali Timor-Leste (TL) hafoin halo ba tratamentu saúde iha nasaun Singapura.

Xefe Governu ne’ebé fila mai Timor-Leste ho aviaun Batik Air to’o iha Aeroportu Internasionál Prezidente Nicolao Lobato, Komoro simu direta husi Vise Primeira Ministra, Armanda Berta no membru Governu sira.

Priméiru Ministru dezloka ba Singapura loron 15 fulan-Junnu hodi halo tratamentu ba saúde iha Mount Elizabeth Novena Hospital, tuir rekomendasaun husi médiku Hospitál Nasionál Guido Valadares (HNGV) nian.

Durante semana tolu iha nasaun Singapura PM Taur fila ho kondisaun saúde ne’ebé estavel hodi bele kontinua kna’ar hanesan Xefe Governu.

Tanba durante pandemia COVID-19, Xefe Governu hala’o de’it check-up iha HNGV Dili, nune’e, médiku HNGV rekomenda atu Xefe Governu presiza ba tratamentu saúde iha Ospitál mais avansadu atu médiku espesialista sira bele kontrola di’ak Xefe Governu nia kondisaun saúde.

Enkuantu Xefe Governu halo tratamentu saúde iha rai li’ur, Vise Primeira-Ministra, Armanda Berta dos Santos mak sei asume pasta interinamente. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items