“Ha’u-nia observasaun hanesan deputadu iha terenu, iha membru Governu husi ministériu balun, ba de'it suku ho viatura barak tebtebes, nu’udar reprezentante povu iha uma fukun ida-ne'e, husi bankada KHUNTO kondena aktu ida-ne'e”, dehan Deputadu KHUNTO, Antonio Verdial, liuhusi deklarasaun polítika iha plenária PN, tersa (28/06).
Ho aktu ne'e, KHUNTO husu ona ba Governu atu kuidadu kestaun ne'e iha ezekusaun Orsamentu Jerál Estadu, nune'e Governu no Parlamentu Nasionál bele hamutuk hodi koreponde ba politika poupansa.
Tanba iha prosesu dezenvolvimentu nasionál Governu daualu mós iha ezekusaun OJE ne'ebé tenke hatuur mós prinsípiu ida hanaran efisiénsia no efikásia, iha ne'ebé públiku hotu kompriende katak agora dadauk ekonomia ladún suporta povu nia moris, maibé autoridade sira hatudu sira-nia poder hodi mobiliza rekursu Estadu nian, ne'ebé mak laiha fatin.
“Ha’u empresta liafuan ida ne’ebé mai husi Doutor Rui Maria de Araújo eis Primeiru Ministru iha Governu dalima, nia liafuan katak despeza super flow”, afirma nia. (*)