Tuir informasaun ne’ebé www.tempotimor.com asesu husi Prezidente Prezidente Repúblika, domingu (26/06) katak, ICU (Unidade Kuidadu Intensivu) unidade ida oferese husi Povu Amerikanu liuhosi misaun USAID iha Timor-Leste atu tulun Ministériu saúde hodi responde kazu emerjénsia Covid-19 ne’ebé Timoraon enfrenta.

Lansamnetu ne’ebé halo iha Portu Dili, Ministra Saúde (MS), Odete iha intervensaun hatete, iha tempu ne’ebé ema hotu luta hasoru hela moras COVID-19, parseiru hothotu hamriik atubele apoia Timor-Leste, ema hothotu hatene katak iha tempu ne’ebá ema hothotu la fia katak Timor-Leste bele enfrenta moras COVID-19, maibé ho kontribuisaun hotu liliu Timor-Leste nia oan sira ne’ebé hamriik ho fiar-an katak Timor-Leste bele luta hasoru moras ida-ne’e.

“Ita konsege luta duni, ita-nia parseiru sira balu ne’ebé mak tenke fila ba sira-nia rai, maibé balu mós nafatin kontribui ho ita serbisu hamutuk ho ita iha Timor-Leste konvense ita-nia komunidade sira atubele luta hasoru moras COVID-19 iha tempu ne’ebé maka ita serbisu hamutuk ho parseiru sira”, dehan Ministra Saúde.

Maske esforsu ne’ebé durante ne’e halo ho rekursu ne’ebé la sufisiente, maibé ho apoiu husi Parseiru sira bele ajuda ona atubele hala’o servisu ho di’ak.

“Señor Prezidente, ajénsia sira ajuda tebtebes, ho fasilidadde ne’ebé mak la sufisisente, rekursu umanu ne’ebé mak la sufisiente entaun parseiru sira mosu ho ajudu sira nebe mak diferente, balu apoia iha rekursu umanu, treinamentu, balu apoia iha ai-moruk, vasina, PPE hirak ne’ebé mak ita uza. Prontui, husi USAID sira promote atubele fó ICU móvel ho esperansa katak nia lais liu”, afirma nia.

Husi parte Ministériu Saúde ho USAID konkordánsia sasán ne’e iha fulan-novembru tinan 2021, maibé ho tempu ne’ebé mk la’o,foin mak bele simu. (*)