Login to your account

Username *
Password *
Remember Me

MS Planu Haruka Tan Médiku Timoroan ba Area Espesializasaun iha Kuba

Ministra Saúde (MS), Odete Maria Freitas Belo hala'o enkontru ho Enkaregadu Negósiu Embaisadór Kuba iha Timor-Leste, Jóse Ernesto Diaz Pérez. Ministra Saúde (MS), Odete Maria Freitas Belo hala'o enkontru ho Enkaregadu Negósiu Embaisadór Kuba iha Timor-Leste, Jóse Ernesto Diaz Pérez. Foto Suplay

Tempotimor (Dili)-Ministériu Saúde (MS) planu hela atu haruka tan médiku Timoroan ba Kuba hodi estuda konaba área espesializasaun nian nomós atu haree oinsá serbísu kooperasaun iha área sira seluk liu-liu haree ba ai-moruk.

Tuir informasaun ne’ebé www.tempotimor.com asesu iha pájina Palasiu Sinzas, sesta (24/06) katak, Ministra Saúde (MS), Odete Maria Freitas Belo hala'o enkontru ho Enkaregadu Negósiu Embaisadór Kuba iha Timor-Leste, Jóse Ernesto Diaz Pérez, iha Palasiu Sinzas, Kaikoli, Díli.

Iha enkontru parte rua diskute kona-ba ba planu atu halo assina akordu protokolu entre Ministériu Saúde Kuba ho Ministériu Saúde Timor-Leste.

Alein ne'e ko'alia mós kona-ba kapasitasaun iha área longu prazu nomós kapasitasaun ne'ebé mak relevante ho área sira prioridade nian, ezemplu hanesan área espesializasaun Ministériu Saúde sei nafatin haree katak oinsá Governu Kuba bele komitmentu nafatin simu médiku espesiálista ne'ebé Timor-Leste sei haruka ba Kuba.

Tanba planu haruka tan médiku Timoroan bá Kuba iha área espesializasaun nian nomós atu haree oinsá serbísu kooperasaun iha área sira seluk liliu haree ba ai-moruk, haree mós ba oinsá apoiu husi Nasaun Kuba nian atuestabelese sentru kardiolojia no sentru onkolojia nian liliu ba pasiente sira ne'ebé mak ho kankru. (*)

Rate this item
(0 votes)
Last modified on Friday, 24 June 2022 15:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter