Tratamentu saúde ne'e iha Singapura ne'e rekomenda husi médiku Ospitál Nasionál Guido Valadares (HNGV).
“Durante pandemia COVID-19, Xefe Governu hala’o de’it check-up iha HNGV Dili, tanba ne’e, médiku HNGV rekomenda atu Xefe Governu presiza ba tratamentu saúde iha Ospitál mais avansadu atu médiku espesialista sira bele kontrola di’ak Xefe Governu nia kondisaun saúde”, tuir Komunikandu Imprensa ne'ebé www.tempotimor.com asesu iha Gabineti Xefe Governu, kuarta (15/06).
Enkuantu Xefe Governu halo tratamentu saúde iha rai li’ur, Vise Primeira-Ministra, Armanda Berta dos Santos mak sei asume pasta interinamente.
Entretantu Xefe Governu sei filafali mai rai laran iha loron 29 fulan-juñu tinan 2022. (*)