“Tuir loloos Governu Autoriza item lima ida-ne’e mak tenke mai la’ós hatama fali buat seluk mak mai ne’ebé mak Ministériu Saúde Autoriza maibé item lima ne’e mak ami verifika hela iha ka la’e?. Se kuandu la iha, automatikamente sira falsifika hotu dokumentu ne’ebé mak sira haruka ba Ministériu Saúde”, dehan nia ba jornalista sira iha SAMES, Kampung Alor, tersa (14/06).
Maibé realidade ne’ebé mak iha item lima ne’e mak Ministériu Saúde husu la tama maibé iha item ida de’it mak tama iha kontentór ne’e mak haruka mai Timor -Leste.
Ba item seluk ne’ebé mak iha Klínika moris foun troka ho ai-moruk seluk ne’ebé mak laiha pedidu husi Governu maibé ai-moruk seluk ne’ebé mak klínika refere atu fa'an iha sira-nia apotik rasik.
Tanba ne'e, Polísia Nasionál Timor-Leste (PNTL) liuhis Servisu Investigasaun Kriminál Nasionál halo kapturasaun ba autór sira ne’ebé mak halo servisu importa ai-moruk sira ne’e mai iha Timor-Leste.
Tuir informasaun ne’ebé www.tempotimor.com asesu katak, iha prosesu transporta ne'e SIKN detekta katak, klínika sira utiliza karimbu seluk ne’ebé iha prosesu deskonfia nia laran.
“Prosesu ba oin se submete ba investigasaun para ita hare ninia lala’ok oinsá para ita verifika dokumentu fízika sira ne’ebé mak tama”, dehan nia. (*)