Print this page

MS Avalia Vasina iha Baukau Atinje 85 Pursentu

Diretór Nasionál Apoiu Servisu Ospitál Ministéru Saúde (MS), Nilton da Silva, ko'alia hela ba mídia iha Reamare, segunda (13/06). Diretór Nasionál Apoiu Servisu Ospitál Ministéru Saúde (MS), Nilton da Silva, ko'alia hela ba mídia iha Reamare, segunda (13/06). Foto Tomas Freitas

Tempotimor (Baukau)‐Ministéru Saúde (MS) liuhusi Diresaun Nasionál Apoiu Servisu Ospitál, halo avaliasaun ba progresu vasina kontra moras Covid-19, doze dahuluk no daruak iha Munísipiu Baukau, atinje ona 85 pursentu.

Diretór Nasionál Apoiu Servisu Ospitál Ministéru Saúde (MS), Nilton da Silva, relata, progresu vasina astrazeneca ba doze dahuluk no daruak la'o di'ak, tanba atinji ona pursentu 85, maibé ba doze datoluk vasina Booster mak sei menus, tanba foin atinji pursentu 15.

Enkuantu vasina Pfizer doze dahuluk no daruak ba labarik sira husi idade 12 to'o18, atinje ona pursentu 85.

"Tarjetu lolos ne'e, bazeia ba númeru liu tiha ona, mais haree moras ne'e sei nafatin eh nia ipedemolojia mós sei iha mudansa, di'ak liu mak ita nafatin hasa'e númeru kobertura," dehan nia iha Riamare Vila Antiga Baukau, segunda (13/06).

Timor-Leste dadaun, rejistu númeru kazu covid-19 menus, maibé iha nasaun viziñu hanesan Australia no Indonézia kontinua aas.

"Problema barak liu mak iha transposte no mós oinsá atu bele hetan partisipasaun husi ita nia komunidade, ida ne'e observa durante tinan-2 ikus, ne'ebé avaliasaun ohin, ita koko identifika problema rua ne'e," nia informa

Responsavel Promosaun Saúde Eskolar, Sentru Saúde Kelikai,  Salamão Salustiano Gama, hatete, eskola hamutuk 47, estudante husi eskola 43 mak tama iha alvu hodi simu vasina Pfizer.

Dadaun, vasian Pfizer doze dahuluk no daruak ba labarik idade 12 to'o 18, remata ona, tanba iha koordenasaun di'ak entre koordenadór eskola no pesoál saúde sira.

"Postu Kelikai, área luan, Suku 15, Aldeia 55, jeografikamente klima, eskola balun transporte labele ba, entaun ékipa sira lalin de'it vasina," nia argumenta

Tarjetu labarik idade 12 to'o 18 iha Postu Kelikai atu simu vasina Pfizer hamutuk 2.112, maibé 1.890 simu ona doze kompletu, enkuantu restu sei iha prosesu kontinuasaun. (*)

Rate this item
(0 votes)
Last modified on Monday, 13 June 2022 14:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items