Login to your account

Username *
Password *
Remember Me

MS Deklara Tabaku Fó Rísku ba Ema no Ambiente

Ekipa Ministeriu Saude hamutuk ho Organizasaun Mundial Saude selebra loron mundial La Fuma Tabaku. Ekipa Ministeriu Saude hamutuk ho Organizasaun Mundial Saude selebra loron mundial La Fuma Tabaku. Foto Suplay

Tempotimor (Dili)-Ministra Saúde (MS), Odete Maria Freitas Belo, deklara sidadaun ne’ebé fuma tabaku fó impaktu negativu ba individu ne’ebé fuma, no ema ne’ebé besik inklui mós ambiente.

Tuir informasaun ne’ebé www.tempotimor.com asesu iha pájina Pásiu Sinza, segunda (13/06) katak, Ministra Saúde ne’ebé partisípa selebrasaun loron Mundiál La Fuma Tabaku nian iha salaun Vida Di'ak, Aipelo Munisípiu Likisá, kinta (09/06).

Tanba tabaku liga ho ambiente la'ós fó impaktu negativu ba de'it individu ne'ebé fuma maibé ba mós ema ne'ebé mak besik fumadór nomós sigaru rohan ne'ebé soe arbiru sei fó impaktu negativu ba ema seluk nia saúde.

“Iha loron 31 kada fulan-maiu ita komemora loron hapara tabaku ou loron la fuma tabaku nian, ne'ebé ohin loron iha ninia tema ida ne'ebé mak diferente, tema ne'ebé ita ko'alia kona-ba tabaku maibé ita liga tabaku ne'e ho ita-nia ambiente, susar oituan wainhira ita lakohi atu komprende didi'ak tanba saidá mak ita hakarak liga tabaku ho ambiente maibé dalaruma ita haree barak liu hakarak atu liga tabaku ho ita-nia saúde, wainhira ita uza tabaku kleur, la'os ba ita ne'ebé mak fuma de'it maibé afeta mós ba ema sira ne'ebé mak la fuma”, hatete Ministra Odete.

Nune’e husu ba pesoál saúde sira atu halo asaun ruma hodi bele aprezenta iha tinan oin wainhira atu komemora tan loron Mundiál La Fuma Tabaku.

“Se tinan oin mai ita selebra tan dala ida, susesu saidá, asaun saidá mak ita halo hahú ohin ba to'o iha loron 31 fulan-Maiu 2023 ne'e saidá mak ita hakarak atu hetan iha ne'ebá, bele ga lae, se dia 31 Maiu 2023 ne'e ita bele dehan 50 ou 60% husi taksista sira, mikrolete sira laiha ema ida mak fuma iha laran, ida-ne'e ita bele halo ga lae, nomós Instituisaun Públiku sira ida ne'ebé mak bele koka ona dezeñu hapara fuma iha ita-nia didin lolon sira ou ita bele dehan katak ida-ne'e la'ós área atu fuma nian, presiza halo persentazen ida, atu nune'e tinan oin mai ita la'ós ko'alia de'it maibé ita bele aprezenta ona rezultadu sira husi asaun sira ne'ebé mak halo durante tinan 1 nia laran”, afirma nia.

Iha komemorasaun loron Mundiál La Fuma Tabaku ne'e, hakarak atu fó hanoin filafali ba ema hotu, atubele muda sira-nia hanoin, sira-nia atitude hodi hapara fuma iha Timor-Leste.

Partisípa iha selebrasaun loron mundiál ne’e hanesan Reprezentante Organizasaun Mundiál Saúde iha Timor-Leste, Arvind Mathur, ekipa Ministériu sáude no entidade sira seluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter