Print this page

USAID iha Programa Sustentabilidade Apoiu Sistema Saúde TL

Xefe Misaun Embaisadór USAID iha Timor-Leste, Roy Srinivasan. Xefe Misaun Embaisadór USAID iha Timor-Leste, Roy Srinivasan. Foto Tempo Timor

Tempotimor (Dili)-Xefe Misaun Embaisadór USAID iha Timor-Leste, Roy Srinivasan hatete, USAID iha nia programa sustentabilidade atu apoiu sistema saúde iha Timor-Leste (TL).

Disponibilidade husi profesionál saúde ne'ebé kualifikadu no motivadu ho sira-nia jestaun ne'ebé efikas nu'udar fundamentu hodi alkansa rezultadu saúde ida positivu.

“USAID nia atividade ba Sustentabilidade Sistema Saude iha Timor-Leste apoia ona Ministériu Saúde atu adopta sistema no prátika sira ba jestaun forsa-servisu saúde públiku nian ne'ebé ho sustentavel”, dehan Xefe Misaun Embaisadór, Roy Srinivasan, iha abertura diskusaun prelimináriu evolusaun polítika, iha Ótel Timor, kinta (09/06).

Ba atividade importante ida atu Governu Estadu Unidus Amerika atu kontribui meloramentu ba setór saúde iha Timor-Leste.

“Liuhusi USAID nia atividade sustentabilidade sistema saúde iha kometmentu atu apoiu Ministériu Saúde atu haforsa sistema saúde ba ema timoroan sira”, esplika nia.

Tanba ne’e hein katak iha workshop loron rua ne'e, ekipa ne'ebé kompostu husi Ministériu Saúde nomós ekipa sistema sustentabilidade saúde prontu atu simu feedback, rekomendasaun husi diretór, xefe departamentu hotu, iha nível nasionál inklui rejionál sira kona-ba manuál esbosu rekursu umanu.

“Ha'u fiar katak partisipante sira sei simu diskusaun efetivu ba prelimináriu evolusaun polítika, hanesan avaliasaun dezenpeñu, manuál servisu no manuál rekrutamentu nian”, dehan nia.

Tanba hothotu nia esperativa ba ekipa sustentabilidade sistema saúde, sei halibur opiniaun, ideia no feedback husi partipante sira hodi bele uza ba implementasaun.

Parte ida husi apoiu ne'e hanesan elabora ona polítika ba jestaun dezenpeñu no instrumentu sira ba jestaun pesoál saúde sira ne'ebé di'ak, inklui prosesu rekrutamentu no dezenvolvimentu ba karreira sira.

USAID fó parabéns ba ministra saúde (MS), Odete Belo esforsu tomak ba kuidade saúde tomak ne'ebé aas, kualidade, efikasia, efisiénsia, nesesidade ema timoroan nian ho maneira responsavel. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items