“Ne’e presiza duni halo kontrolu tanba ne’e mak, se mak fa'an ai-moruk tenke iha lisensa mak bele fa'an”, dehan nia iha ba jornalista sira iha Palásiu Governu, kuarta (08/06).
Tanba ne’e dadaun, Ministériu Saúde esforsu atu servisu hamutuk ho Ministériu relevante sira oinsá mak bele regula sidadaun dalan online sira ne’ebé mak seidauk iha fatin aproriadu nian.
“Depois mak ami haree para bele regula oinsá atu hapara negosiante sira ne’ebé fa'an online”, deklara nia.
Alende ne’e mós sei kria mekanizmu ida oinsá mak bele kontrola sidadaun ne’ebé fa'an tenke iha karta autorizasaun husi Ministériu Saúde rasik.
“Tanba kada trimestrál tenke halo inspesaun ba fatin sira ne’ebé nia fa'an hodi nune’e haree ba ai-moruk prazu liu ona sira ida ne’e mak importante”, afirma nia.
Tanba ai-moruk ne’ebé mak fa'an iha dalan ninin sira mak hanesan K-link no HWI ne’ebé mak durante ne’e fa'an iha dalan ninin sira no iha ai-moruk sira ne’ebé mak deskonfia hamate ona sidadaun balun nia vida umana. (*)