Print this page

MS Aprova US$500 ba Óspital Baukau Sosa Medikamentu

Diretór Apoiu Diagnóstiku Terapiotika HoREX Baukau, Francisco Armando, ko'alia hela ba www.tempotimor.com iha kna'ar fatin HoREX Baukau, sesta (03/06). Diretór Apoiu Diagnóstiku Terapiotika HoREX Baukau, Francisco Armando, ko'alia hela ba www.tempotimor.com iha kna'ar fatin HoREX Baukau, sesta (03/06). Foto Tomas Freitas

Tempotimor (Baukau)-Ministéru da Saúde (MS) aprova fundus US$500 ba Óspital Rejionál Eduardo Ximenes (HoREX-sigla portugés) Baukau hodi sosa medikamentus hamutuk 12.

Diretór Apoiu Diagnostiku Terapiotika HoREX Baukau, Francisco Armando, hatete, MS aprova ona orsamentu atu sosa medikamentus ne’ebé laiha.

Tanba ne'e, ékipa sira iha ona tereñu hodi sosa medikamentus, hanesan, Polyglicatine ho kuantidade 400 pcs, Urine Bag 400 pcs, Canulla 2.000 pcs, Transamin 500 amp, Meropenen 200 vial, Dexamethasone 600 amp, Diazepam 300 amp, Ferrous sulfate 10.000, Ciprofloxacin 5.000, Plester zinc oxide adhesive wide 800, Amoxylin 1.000 inklui Gauze Role 200.

"Nia orsamentu preve US$500 atu sosa item 12 ba fulan-ida nian, la'os sosa ba longu prazu nian, orsamentu fulan tuir mai nian ita kompras tán," dehan nia iha kna'ar fatin HoREX Baukau, sesta (03/06).

Enkuantu item medikamentus ne'ebé dadaun ékipa sira iha tereñu halo kompras, posibilidade to'o ou la to'o, tanba depende ba númeru pasiente ne'ebé tama.

"Medida ne'ebé halo mak, ita tenke halo tán pedidu ba Ministéru Saúde para bele prevé tán orsamentu hodi sosa," nia argumenta

Tanba antes ne'e, hein stock ai-moruk no medikamentus sira husi Servisu Autónomo de Medicamentos e Ekipamentus da Saúde (SAMES) ne'ebé sosa ho montante boot, maibé lori tempu naruk, nune'e MS prevé orsamentu oituan direita ba HoREX atu fasilita fulan ida ou rua, hafoin hein SAMES.

Enkuantu item medikamentus hirak ne'e, hotu iha fulan-dezembru tinan-2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items