"Ajudus husi Ministéru Asuntu Kombatentes Libertasaun Nasionál, sira aprova osan 30 mil hodi sosa ékipamentu," dehan Sekrétariu jerál konsellu vetéranus Munisípiu Baukau, Manuel da Costa Soares, iha kna'ar fatin vila antiga, segunda (30/05).

Fundus rihun US$30, atu sosa, motor ida, komputadór-2, laptop ida, printer ida, rádio komunikasaun (HT) 5 inklui fardamentu ba pesoal saúde sira no aloka mós fundus kategoria antisipa ba ai-moruk nian.

"Apoiu ne'e, pelu menus la'os responde hotu, maibé komesa hahú neneik ona bele responde problema boot ida," nia argumenta

Nune'e, Kordenadór Klinika Veteranu Baukau, Leonel Guterres, hatete, apoiu ne’e bele responde ona parte administrasaun nian, tanba durante fulan-6 nian laran, klinika veteranu funsiona, laiha ékipamentus atu atende ba parte administrasaun nian ho lais.

"Ékipamentus ne'ebé agora iha ne'e, sufisiente ona atu atende nesesidade administrasaun nian, ita foin la'o fulan-3 ou 4 ita labele hanoin barak liu, maibé ida ne'e mós bele atende ona, tanba esperensia duranre fulan neen, administrasaun prepara ba tinan-ida nian ho laptop ki'ik ida ho laptop privadu ida," nia hatete (*)