Login to your account

Username *
Password *
Remember Me

PLP ‘Kritika’ Merenda Eskolar Hatama Estudante Na'in-23 ba Ospitál Vikeké

Deputadu Bankada PLP, Bernardo Quintão. Deputadu Bankada PLP, Bernardo Quintão. Foto Suplay

Tempotimor (Dili)-Bankada Partidu Libertasaun Popular (PLP) iha Parlamentu Nasional (PN) kritika ho implementasan Programa Merenda Eskolar iha Eskola Ensinu Báziku Filiál (EBF) Mamulak, Postu Vikeké Vila ne'ebé rezulta estudante na’in-23 kabun moras to'o baixa iha Ospitál Internamentu Vikeké.

Tanba kazu ne'ebé akontese iha loron kuarta (25/05), maizomenus tuku 15:45, estudante kuaze 23 baixa iha ospitál internamentu tanba deskonfia konsumu hahán merenda eskolár ne'ebé implementa husi Eskolar refere.

Ho preokupasaun ne'e, Deputadu Bankada PLP, Bernardo Quintão, husu ba Ministériu Edukasaun Juventude no Desportu (MEJD) no Ministériu Saúde (MS) atubele loke investigasaun ba prosesu ne'e oinsá bele hetan filafali konfiansa husi família vítima sira hodi oferese sira-nia oan ba konsumu hahán merenda eskolar iha EBF Mamulak. 

“Husu ba Ministériu Edukasaun ho Ministériu Saúde ba halo Investigasaun para fó fali konfiansa ba inan aman sira bele lori sira-nia oan ba han fali merenda eskolar, tanba oras ida ne’e iha Vikeké iha Eskola filial mamulak inan aman sira trauma sira mós la fó sira-nia oan sira ba Eskola”, dehan nia iha Plenária Parlamentu Nasionál, segunda (30/05).

Tanba tuir informasaun ne'ebé deputadu sira hetan, agora dadauk kondisaun estudante hirak ne'e rekupera ona husi Ospitál maibé parte autoridade sira seidauk halo investigasaun atubele hatene motivou husi kazu ida né'e.

“Sira fila hotu ba ona uma maibé sedauk iha investigasaun ba hahán ne’ebé sira hán iha dia 25 ne’e”, hatete nia.

Iha ne'e deputadu sira mós hetan informasaun kona-ba hahán sira ne'ebé utiliza ba merenda Eskolar ne'e mak fós ho marka manu, no modo koto, fehuk roupa, lakeru inklui uza mina marka Globus.

Nune’e, ejize MEJD atu rezolve ona estatutu profesór sira-nia tanba profesór sira iha Postu Laga to'o oras ne'e sei nafatin kontratadu.

Tanba profesór barak mak konsege hasoru deputadu sira hodi ejize sira-nia diretu no estatutu atu muda husi kontratadu ba fali permanente tanba sira balun hanorin tinan lima (5), no balun hanorin tinan sanulu (10) maibé to’o agora sira-nia estatutu seidauk klaru.

“Karik ami mate iha ami-nia estatu ne’e sai oinsá, ne’ebé husu ba, Señor Ministru bele hato’o informsaun ida ne’e ba iha Ministru Edukasaun bele trata lalais estatu profesór sira ne’ebé kontratadu”, dehan nia.

Hatan ba preokupasan ne'e, Ministru Asuntu Parlamentar no Kominikasaun Sosiál (MAPKomS), Francisco Martins da Costa Pereira Jerónimo hatete, Governu rejista ona kestaun ida ne'e no sei haruka na MEJD atubele buka solusaun inklui klarifika ba deputadu sira.

“Kona-ba profesór kontratadu sira ida ne’e mós ha'u sei la fó resposta tan, maibé ha'u haruka filafali ba Ministru Edukasaun tanba Ministru Edukasaun rasik mak mai esplikasaun dala barak ona iha Parlamentu Nasionál relasiona ho profesór kontratadu halo nusa mak bele muda sira-nia estatutu ho profesór kontratadu ka profesór permanente”, informa nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter