Koordenadór Jerál TROBAS, Egidio Soares hatete, atividade ne'e rasik, hanesan programa sensiblizasaun sosializa etapa primeiru ba nível Segundáriu Eskola Téknika Informatika (ETI) ne'e.

“Entaun objetivu jeralmente husi atividade ida ne'e, oinsá atu halo kampaña sensiblizasaun, no atu fó mós Edukasaun Sivika ba estudante sira, atu sira bele komprende oinsá hodi senbiliza no eduka filafali konsiénsia ba Ita ema ninian liliu kona ba ita-nia Meu Ambiente iha ita nia rai laran”, dehan nia ba jornalista sira iha Eskola Téknika Informatika ETI, Fomentu, tersa (17/05).

Husi organizasaun ne'e rasik iha ninia misaun liliu ba foinsa'e sira, tanba sira mak jerasaun nasaun nian no nu'udar juven mai ho vontade boot no kompromisu koresponde hodi buka solusaun ba problema lixu hodi reduz kestaun Lixu iha Timor-Leste.

Tanba iha vizaun ida, kona-ba sosiedade em jerál, ne'ebé moris ho ambiente portujidu, no a rezidente ba nasaun. Tanba ne'e, organizasaun ne'e mai ho misaun no vizaun ne'ebé mak adapta, no aplika hela iha tempu agora.

Koserta Organizaun ne'e mós iha parseria, no husi parte sira estabelese ona networking ho sira-nia organizasaun sira seluk, ne'ebé mak ho vida natureza voluntarismu, imparsiál no nasionalizmu.

“Entaun ami, husi organizasaun TROBAS ne'e rasik, ba implementasaun programa ida ne'e, hetan apoiu husi ami-nia ajensia parserial Mery Corps no hetan suporta mós husi Uniaun Europeia ba programa ne'e rasik. Nune'e iha atividade ne'e, mak sai pilar primeiru ba sosializasaun ho ninia tópiku mak Hamenus Lixu Plastiku, iha Ensinu Sekundária sira, liliu ba ita-nia audénsia sira hotu”, afirma nia.

Enkuantu, ida ne'e mós sei sensibiliza ba eskola seluk tuir ajenda ne'ebé mak organizasaun TROBAS ne'e halo ona, nomós deadline ne'ebé mak iha akordu husi ajénsia Mery Corps, tanba atividade ne'e, hanesa pilar primeiru ba sosializasaun ne'ebé mak implementa, entaun husi organizasaun TROBAS ne'e tinan ida ne'e, sei foka ba eskola iha kapitál Dili.

“Atividade sosializasaun ne'e hanesan hanesa pilar primeiru husi organizasaun ne'ebé mak implementa, nune'e ami sei foku ba tinan ida ne'e antes remata, ba eskola liliu iha sidade Dili. Nune'e etapa primeiru mak eskola ida ne'e, entaun etapa tuir mai mak ami sei konsentra fali ba eskola seluk ho ninia tematika hanesan Hamenus Lixu Plástiku”, dehan nia. (*)