Print this page

Vasina AstraZeneca iha Saúde Baukau Hotu

Vasina AstraZeneca. Vasina AstraZeneca. Foto Suplay

Tempotimor (Baukau)‐Ofisiál Programa Promosaun Edukasaun Saúde ba vasina Pfizer Munisípiu Baukau, Abrão Pinto, relata, vasina AstraZeneca iha Munísipiu Baukau stock hotu, hela de'it vasina Pfizer,.

Tanba ne'e, ékipa espesialista imunizasaun rekomenda ba komunidade ne’ebé ho idade Mais 18 seidauk simu vasina bele simu Pfizer.

"Ba komunidade ne’ebé simu tiha ona vasina doze primeiru AtraZeneca bele simu doze segundu ho Pfizer, ba sira ne’ebé vasina ho AstraZeneca halo ona semana 4 bele vasina ho Pfizer ba doze segundu," dehan Abrão, segunda (25/04).

Enkuantu ba komunidade ne’ebé vasina AstraZeneca kompletu ho doze daruak, intervalu fulan-4 ona, bele simu booster (doze datolu) ho Pfizer

"Ami kuntinua hato’o ba ita hotu, karik seidauk simu vasina bele hakbesik-an ba iha fasilidade saúde ka posto vasinasaun ne’ebé besik iha ita boot sira nia hela fatin hodi simu vasina, ita nia saúde iha ita nia liman rasik," nia hatete

Enkuantu, vasina AstraZeneca iha Munísipiu Baukau, tarjetu hamutuk 73.317, ne'ebé simu ona doze primeiru hamutuk 63.777 ho pursentu 87, seidauk simu vasina 10.591, simu ona doze segundu hamutuk 54.294 ho pursentu 74 no seidauk simu vasina 9.140.

Entertantu vasina Pfizer ba estudante, kompostu husi eskola 200, estudante hamutuk pursentu 86 mak simu ona doze dahuluk, estudante ne'ebé seidauk simu hamutuk 2.702, simu ona doze segundu hamutuk 4.912 ho pursentu 26. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items