Login to your account

Username *
Password *
Remember Me

MS Nomea Ema Na’in-11 ba Kargu Xefia iha Óspital Baukau

Ministra Saúde, Odete Maria Freitas Belo foto hamutuk ho kargu xefia sira iha Óspital Baukau, hafoin nomeasaun, Kinta (21/04). Ministra Saúde, Odete Maria Freitas Belo foto hamutuk ho kargu xefia sira iha Óspital Baukau, hafoin nomeasaun, Kinta (21/04). Foto Tomas Freitas

Tempotimor (Baukau)-Minisitéiru da Saúde (MS),  Odete Maria Freitas Belo, nomea ema na'in-11 ba kargu xefia foun iha Óspital Rejionál Eduardu Ximenes (HoREX-sigla portugés).

"Ami halo nomeasaun em subtituisaun, tanba ita la halo teste ba sira liuhusi prosesu ida hamutuk komisaun funsaun públika, maibé ba HoREX nian ami halo nomeasaun, tanba iha Diretóres balun duranre ne'e halo servisu tinan-6 to'o 7,  prontu ita halo mudansa," dehan MS Odete iha HoREX Baukau, kinta (21/04).

Espera ba kargu xefia ne'ebé simu ona pose bele kontinua esforsu hodi eleva kapasidade instituisionál iha HoREX bazeia ba lei no espetativa populasaun husi Munísipiu Baukau, Lautém, Vikeke inklui Manatutu.

"Bainhira ita hakarak halo mudansa ema ne'ebé mak foun halo diak liután ema ne'ebé mak tuan ida ne'e mak ita hakarak," nia esperansa

Agradese mós ba diresaun kargu xefia sira durante hala'o servisu to'o ohin loron termina ona misaun servisu, maibé husu atu nafatin hatudu dedikasaun servisu hodi fó apoiu servisu ba kargu xefia foun.

Nune'e, bele atinji rezultadu aprestasaun servisu di’ak iha HoREX, tanba liuhusi esforsu, dedikasaun no espiritu servisu hamutuk hodi ezerse funsaun fasilidade saúde.

"Ministéiru Saúde kontinua hala'o esforsu hodi re-organiza renova sistema servisu nasionál saúde atu hadi'a di’ak liután prestasaun kuidadu Óspital kualidade ba ita nia populasaun hodi reduz transferensia ba Óspital Nasionál Guidu Valadares (HNGV)," dehan MS

Diretór Administrasaun Finansas Aprovizionamentu HoREX Baukau, Simão Soares, hatete, kna'ar ne'ebé MS fó sei kopera ho diresaun hotu iha HoREX hodi haree problema sira durante ne'e hasoru.

"Prioridade agora ne'e, ha'u haree liu ba rekursu umanus iha ne'e menus, liu-liu doutor espesialista sira, nune'e mós raisis ne'ebé agora aat," nia dehan

Koopéra mós ho MS, atu bele resolve raisis ne’ebé aat hodi redus transferensia pasiente ba HNGV.

"Tempu badak ita sei halo médiasaun para hadi'a, nune'e hamenus ita nia transferensia ba Dili, tanba aat fulan ida ona," nia argumenta

Enkuantu nomeasaun ne’e, Simão Soares ba Diretór Administrasaun Finansas Aprovizionamentu HoREX Baukau, Umbelina Freitas Almeida ba Diretóra Ajénsia Klinika, Francisco Armando da Costa ba Diretór Apoiu Diagnostiku Terapeutika, Mario Marselino Sarmento ba Xefe Departementu Gabineti Kontrolu Kualidade Komunikasaun Sosiál.

Sebastião Amaral ba Xefe Departementu Planu Rekursu Umanu i Estatistika, Luciano Sanches da Cruz ba Xefe Departementu Administrasaun Finansa Lojistiku, Claudino Ximenes ba Xefe departemantu Emerjénsia Ambulatóriu.

Alcino Timótio Gaio ba Xefe Departementu Bloku Operatóriu, Euclidio dos Santos ba Xefe Departementu Suporta Kliniku, José António Maria do Espirito Santo ba Xefe Departementu Medisina Interna Pediatria no Jacinto Vaz ba Xefe Departementu Zirurjia Obstetrisia.

Mandatu ba kargu xefia sira ne’e, sei hala'o kna'ar durante tinan-4 ou 5, hafoin termina misaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter