Oan feto vítima, Remigia Viana Guterres, haktuir, vítima ba nia feto nian uma, hafoin fila husi nia feton nia uma tuir dalan ema deskoñesidu taa vítima ho katana husi kotuk iha área Leteisi Lariisi Suku Lavateri.

"Ema taa ami seidauk hatene, tanba kalan ema ne'e mós falun aan, entaun husi kotuk mak taa," dehan Remigia iha sala emerjérsia HoREX Baukau, segunda kalan (18/04).

Hafoin akontese, parte segúransa Polísia Nasionál Timor-Leste (PNTL) liuhusi Batallaun Ordem Públika (BOP) Baukau to'o kedas iha fatin hodi evakua vítima mai Óspital Referal Eduardo Ximenes (HoREX-sigla portugés) Baukau hodi halo tratamentu.

"Katuas hetan kanek iha ulun parte tilun karuk," katak nia

Tuir observasaun jornalista www.tempotimor.com iha HoREX Baukau nota katak, dadaun vítima iha hela sala emerjénsia médiku hodi hetan tratamentu husi pesóal saúde sira. (*)