“Konstrusaun unidade foun ida-ne’e ho objetivu prinsipál atu hadi’a asesu no kualidade kuidadu espesializadu ne’ebé presta iha HNGV, liliu ba internamentu ba kazu emerjénsia no urjénsia pediátrika”, dehan Ministru Prezidensia Konsellu Ministru Interinu, Rui Augusto Gomes, hafoin reuniaun ezekutivu iha palásiu Governu, kuarta (13/04).

Nune'e mós sei hadi’a ho di’ak liután resposta nasionál ba surtu esporádiku no emerjente dengue, kolera ka surtu seluk ho impaktu boot ba saúde públika, liliu ba bebé foin moris, labarik no adolesente sira.

Tuir aprezentasaun ne'ebé Ministra Saúde, Odete Maria Freitas Belo aprezenta ba Konsellu Ministru (KM), iha loron kuarta (06/04) katrak, bloku ospitalár ne’e sei iha andar lima no área ho luan besik metru kuadradu rihun-haat

Bloku foun ne’e sei oferese instalasaun ne’ebé adekuadu ba nesesidade sira husi númeru pasiente nian ne’ebé aumenta ba beibeik iha HNGV, hodi hadi’a kualidade prestasaun servisu iha país ne’e. (*)