“Totál kazu ativu ohin, 30 fulan-marsu 2022 na'in-19, kazu detetatu foun 3, rekuperadu na'in-1 no totál kazu konfirmadu kumulativu iha 30 marsu tinan 2022 (sura husi 21 marsu 2020) hamutuk 22830”, dehan nia liuhosi konferénsia Imprensa ne'ebé www.tempotimor.com asesu iha kuarta (30/03).

Hahú horiseik mai ohin, hamutuk hotu Laboratóriu Nasionál Saúde (LNS) halo 53 testes PCR iha Dili, ho detalla hanesan vijilánsia sentinela 0, rastreiu ba kontaktu (contact tracing) 0, rastreiu aleatóriu (random screening) 10, viajen internasionál 43 no follow up iha kuarentena 0.

Rezultadu testes PCR ne’ebé halo horiseik, iha munisípiu sira seluk, RAEOA & HNGV, hamutuk 103 ho detalla hanesan Baukau 0, Ermera 0, Bobonaro 16, Maubisse 0, RAEOA 0, Covalima 27, Viikeké 0, Lautein 0, HNGV 60 no Vera Cruz 0.

Totál teste PCR iha oras 24 ikus 156, ida ne’e hatudu taxa pozitividade 0,2 (iha semana kotuk, 23 fulan-marsu, taxa pozitividade pursentu 0,2). (*)