Login to your account

Username *
Password *
Remember Me

Doutór ‘Preokupa Telemovel’ Abandona Pasiénte iha HNGV

Emblema Hospital Nasionál Guidu Valadares (HNGV). Emblema Hospital Nasionál Guidu Valadares (HNGV). Foto Suplay

Tempotimor (Díli)-Doutór iha Hospital Nasionál Guidu Valadares (HNGV) ‘preokupa telemovel’ no abandona pasiénte ne’ebé tama iha sala emerjénsia HNGV, hodi atende.

Atetude Doutór ne’e halo, Ezolina Pinto hanesan inan husi Pasiente Agostinho Lobo Cabral, tenke haraik-an ho tanis hodi husu tulun ba doutor atu atende, maibé la hetan atensaun.

“Nia kaer halimar hela HP (telemovel), nia la'o tesik tiha ba la'o fali mai, nia tur iha nia fatin, ha'u haree nia tama tiha ona, hau tuir ba hodi haree, no tama ona tanba saida mak la bolu, ha'u hakat ba nia kaer hela HP, bainhira ha'u ko'alia hela ho nia ne'e nia la sibuk ida nia kaer hela HP" dehan Ezolina ba www.tempotimor.com iha kinta (24/03).

Tanba iha loron 23 marsu kalan, “ha'u-nia oan mutaber, muta dala lima ona, ha'u lori ba iha Guidu Valadares, iha ne'eba ha'u rejistu tiha labarik nia (pasiénte) nia naran, depois sira halo karta ida haruka ha'u ba lori ba iha doutor ne'ebé mak atu fó konsulta ha'u-nia oan, ne'ebé ha'u lori ba ha'u entrega tiha ba enfermajen feto oan ida, nune'e nia dehan hein li'ur de'it bainhira doutor mai mak ha'u bolu mana hodi konsulta, ha'u hein iha li'ur hein ba hein ema ida la mosu mai hodi atende ha'u-nia oan, ha'u haree ba oras ba dadaun ona, e depois labarik mutaber entaun labarik fraku ba oin de'it ona”.

Nune’e Ezolina hanesan inan ida ne’ebé hakarak doutór atende nia ona ne’ebé moras, tanba ne’e hakat ba hodi ba haree, hateke ba doutor ne'e tur hela ne'e, nune'e husu doutor, lisensa doutor, bele ka konsulta oan moras.

“Doutor ne'e responde ita-boot ne'e entrega ona pasiénte nia dokumentu mai, entaun ha'u dehan la’e, dokumentu ohin ha'u entrega ona ba enfermeira ida iha ne'e isin mutin foin sa'e, entaun nia dehan laiha ne'e, ita-boot nia oan naran saida?. Ne'ebé ha'u dehan Agostinho Lobo Cabral, doutor ne'e hatan ou Mateus de’it mak iha, ne'ebé ita-boot ba rejistu ulang fali”, informa nia ho triste.

Tanba pasiénte nia saúde fraku ba bebeik nune'e nia inan lori tan dala ida ba fatin maibé iha sala rejistu ne'e pesoál saúde sira haruka fla ba doutor atu konsulta tanba rejsitu ona. Maibé doutor ne'ebé fó konsulta pasiénte kontinua lakohi atu fé atendimentu bainhira pasiénte laiha kartaun rejistu ruma.

“Doutor atu fó konsulta ha'u-nia oan ne'e hatan mai dehan, ha'u fó konsulta ba ita-nia oan bainhira iha karta rejistu, maibé ha'u hatama tiha karta rejistu ba maibé laiha ne'e, nune'e doutor ne'e hatan, ne'ebé ha'u mak sala ka?. doutor ne'e hatan”, afirma nia.

Maibé tanba oan moras mutaber nune'e nia kondisaun fraku ba bebeik, ikus mai nia husu atu foku ba pasiénte nia kondisaun maibé doutor kontinua la fó atendimentu.

“Ah, ne'e urusan ha'u hatene karta rejistu iha mak ha'u fó atende hodi fó konsulta, dehan doutor ne'e”, haktuir nia.

Nune'e pasiénte nia inan ba konfirma filafali iha sala rejistu hodi buka fali doutor seluk iha HNGV ne'e rasik hodi fó atende.

“Favor ida, alin bele buka fali, doutor ida atu atende ha'u-nia oan lalais ba, tanba ha'u-nia oan fraku ba bebeik favór boot ida, ne'ebé nia haree ha'u tanis nune'e nia husu fali ha'u-nia oan nia data moris hodi rejista lalais lori fali ba doutora ida, nune'e doutora ne'e mak fó fali konsulta ba ha'u-nia oan”, konta nia.

Hafoin to'o iha doutora segundu ne'ebé atu fó konsulta, doutora ne'e husu kona-ba akontesimentu saida mak to'o pasiénte ida tanis iha HNGV.

“Nusá mak mana tanis, ha'u dehan hau-nia oan, ha'u foin lori ba doutor ida mak lakohi fó konsulta tanba de'it ha'u-nia oan nia karta rejistu lakon afinál sira mak kaer, nune'e doutora ne'e mak husu fali deskulpa ba pasiénte”, akresenta nia

Hafoin konsulta doutora ne'e fó aimoruk ba pasiénte nune'e sira fila ba uma, to'o notísia ne'e tun www.tempotimor.com seidauk halo konfirma ho responsavel sira iha HNGV. (*)

Rate this item
(0 votes)
Last modified on Friday, 25 March 2022 15:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter