“Fulan ida ne’e, vasina Pfizer barak mak expire entaun sira ne’e, ita la uza no soe. Ita sei utiliza mak vasina sira ne’ebé mak fulan liu até fulan-abril”, dehan Bonifácio Maucoli hafoin Partisipa Reuniain Konsellu Ministru iha Palásiu Governu Dili, kuarta (16/03).

Vasina Pfizer ne’e, prioridade liuba estudante sira ka labarik ho idade sanulu-resin-rua to’o sanulu-resin-hitu mak bele simu vasina refere. Maibé vasina la ba labarik sira ho idade tinan lima to'o idade sanulu-resin-ida.

“Ita seidauk iha persentajen ne’ebé klaru maibé vasina Pfizer la’o ona iha Munisípiu 13 no dadaun ne’e, vasina Pfizer la’o maka’as liu iha Munisípiu Ermera, Bobonaru no Covalima”, informa nia. (*)