Login to your account

Username *
Password *
Remember Me

Ema Deskoñesidu Soe Bebe Mane-ida iha Laga Sagadate

Bebe ne’ebé ema deskoñesidu soe iha Sagadate, segunda (21/03/22). Bebe ne’ebé ema deskoñesidu soe iha Sagadate, segunda (21/03/22). Foto Suplay

Tempotimor (Baukau)-Iha loron 21 fulan-marsu tinan-2022 (ohin) ema deskoiñesidu soe bebe mane-ida ho kondisaun moris hela iha Aldeia Nahafa, Suku Sagadate, Postu Adminisitrativu Laga, Munísipiu Baukau.

Bebe ne’e, hetan husi motorista karreta truk ho naran Mario.

Xefe Suku Sagadate, Aureliano de Jesus, haktuir, akontese dadersan pur-vota tuku 06:00 motorista  husi karreta truk atu ba tula rai henek, derenpe bebe mane oan ne'e tanis iha estrada sorin, nune'e konsege halai ba haree no salva.

"Nia atu ba tula rai henek, nia karreta para duni iha ne'e (fatin so'e bebe ba), nia hakiduk sai mai atu ba tula rai henek mak labarik tanis entaun nia ba, labarik ne'e mane ho kondisaun di'ak," dehan Aureliano ba www.tempotimor.com via telefone, segunda (21/03).

Hafoin haree aktus ne'e, motorista telefone kedas ba parte, Ofisiál Polísiamentu Komunitáriu (OPS), Lia-na'in, Xefe Aldeia hodi haree bebe no komunidade sira evakua kedas ba sentru saúde Sagadate hodi fó asistensia.

Ba asaun ne'e, nia parte orienta ona xefe aldeia atu buka tuir feto maluk ne'ebé isin rua iha Suku laran hodi halo identifikasaun.

"Ha'u sei ba saúde ne'ebé iha, ita tenke komfirma ema sira ne'ebé iha ne'e, ema sira ne'ebé isin rua ne'e, mai Ospitál ne'e," nia informa

Tanba, konsidera asaun ne’e krime, sei esforsu hamutuk ho entidade hotu iha Suku Sagadate buka tuir inan ba bebe refere. (*)

Rate this item
(6 votes)
Last modified on Monday, 21 March 2022 14:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter