Print this page

Kazu Covid-19 Foun Na'in-1, Ativu 28

Kazu Covid-19 ne'ebe rejista iha Timor-Leste. Kazu Covid-19 ne'ebe rejista iha Timor-Leste. Foto Tempo Timor

Tempotimor (Dili)-Koordenadora Jerál Surtu Covid-19, Odete da Silva Viegas informa, kazu Covid-19 foun ne’ebé rejista husi Ministériu Saúde (MS) iha na'in-1 no kazu ativu hamutuk 28.

“Kazu detetatu foun ne’ebé relata ohin, loron 17 fulan-marsu tinan 2022 na'in-1 (vijilánsia sentinela), kazu rekuperadu 2, totál kazu ativu 28, totál kazu konfirmadu kumulativu iha 17 marsu tinan 2022 (sura husi 21 marsu 2020) hamutuk 22802 no total óbitu 1”, dehan nia liuhusi Komunikadu Imprensa, kinta (17/03).

Ba óbitu ne'e Pasiénte Feto (65) tranfere ba HNGV, matebian hela iha munisípiu Dili, Posto Administrativu Kristo Rei, Suku Bidau. Matebian tama iha Izolamentu Lahane iha loron 16 marsu 2022, ho Dx:Muiti Organ Failure, Shock Septico + Covid-19. CT 22,9, matebian Vasina AZ kompleta, no hakotu iis iha tuku 18:40.

Husi horiseik mai ohin hamutuk hotu Laboratóriu Nasionál Saúde (LNS) halo 183 testes PCR iha Dili, ho detalla hanesan vijilánsia sentinela 0, rastreiu ba kontaktu (contact tracing) 12, rastreiu aleatóriu (random screening) 129, viajen internasionál 42 no follow up iha kuarentena 0.

Rezultadu testes PCR ne’ebé halo horiseik, iha munisípiu sira seluk, RAEOA & HNGV, hamutuk 85 ho detalla hanesan Baucku 11, Ermera 0, Bobonaro 12, Maubisse 0, RAEOA 0, Covalima 11, Vikeké 0, Lautein 0, Manufahi 0, HNGVb51 no Vera Cruz 0.

Totál teste PCR iha oras 24 ikus 268, ida ne’e hatudu taxa pozitividade 0,07 (iha semana kotuk, 10 marsu, taxa pozitividade 0,5%). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items