“Relasiona ho dadus sira ne'ebé mak rekolla iha kada Ministériu sira dengue sai preokupasaun boot ba sosiedade Timor-Leste tanba afeita husi mundansa klimátiku sira ho kalamidade boot iha inundasaun ne'e”, dehan nia iha Largo, Lesidere segunda (07/03).
Ekipa servisu ne'e mós durante ne'e halo ona sosializasaun ba eskola balun iha Munisípiu Díli nomós Munisípiu Manufahi, Postu Administrativu Turiskai.
“Ami fahe ona informasaun ba eskola Santo Terezinha Menino de Jesus, Bekora, Estadu, Nossefat, EBF no Aitemua iha Komunidade Turiskai, nomós ba Eskola Ensinu Primária Aituri Laran, no Tasitolu, inklui mós Líder Komunitáriu sira iha Komoro nian”, informa nia.
Maibé Rekomedasaun nafatin ba komunidade sira presiza, aimoruk hodi rega susuk sira, inklui mós luvas nomós materiál seluk hodi hamoos valeta ku'ak sira.
“Ami konsege fahe ona informasaun lubuk ida, iha ami sensibilizasaun ne'e komunidade husu ba ami, sira husu liu mak aimoruk ne'ebé mak rega hamate susuk ne'e, tanba susuk ne'e moris estilu la halimar”, afirma nia.
Tanba ne’e Ekipa kontinua ba atensaun ba inan aman sira atu tau matan ba labarik sira bainhira sai ba eskola tenke kuidadu no uza autan no uza ropa liman naruk sira hodi prevene husi dengue ne'e rasik. (*)