Login to your account

Username *
Password *
Remember Me

Tempotimor (Dili)-Primeiru Ministru (PM) no Ministru Interior (MI), Taur Matan Ruak, deside kansela prosesu rekrutamentu ba membru foun Polísia Nasionál Timor-Leste (PNTL), tanba nesesidade instituisaun nian mak obriga.

Tempotimor (Dili)-Governu Timor-Leste liuhusi Ministru Prezidénsia Konsellu Ministru (MPKM), Fidelis Leite Magalhães, inaugura uma-rua iha Polísia Nasionál Timor-Leste (PNTL) hanesan, Sentru Integradu Jestaun Informasaun no Investigasaun Kriminál nomós Edifísiu Informatiku Teknolojia PNTL iha Komandu Jerál.

Tempotimor (Dili)-FALINTIL-Forsas Defeza Timor-Leste (F-FDTL) hamutuk ho Polísia Nasionál Timor-Leste (PNTL) Kaptura sidadaun na’in-3 hamata mina ilegál iha Ponte Nunura, Munisípiu Bobonaro

Tempotimor (Dili)-Ekipa konjunta servisu sekreta husi Servisu Informasaun Polísia (SIP) Nasionál, tutela Polísia Nasionál Timor-Leste (PNTL), Unidade Falintil (UF), tutela F-FDTL (Forsa Armada Libertasaun Nasionál-Forsa Defeza Timor-Leste), junta ho SNI (Servisu Nasionál Intelijénsia), asegura joven na’in-1 ho inisiál FdF alias TK, tinan 24, ne'ebé durante ne'e na'ok ona sidadaun sira-nia motorizada 14 inklui sasán seluk tan.

Tempotimor (Dili)-Governu liuhusi Konsellu Ministru aprova ona projetu Dekretu-lei rua, ne’ebé aprezenta husi Primeiru Ministru no Ministru Interiór, Taur Matan Ruak, no husi Vise-Ministru Interiór, António Armindo.

Tempotimor (Dili)-Polísia Nasionál Timor-Leste (PNTL) liuhusi Servisu Informasaun Polísia (SIP) Nasionál hamutuk ho SNI (Servisu Nasionál Intelijensia) halo buska no asegura joven na’in-5 ne’ebé envolve iha kazu na’ok motorizada ida lakon iha loron 6 agostu 2022, iha Aldeia Boulok Fugira, Suku Dare, Postu Administrativu Vera-Cruz, Munisipiu Dili.

Tempotimor (Dili)-Membru Polísia Nasionál Timor-Leste (PNTL) no Servisu Migrasaun (SM) hamutuk na’in-26, simu formasaun kona-ba investigasaun tráfiku umanu, ne’ebé promove husi Programa Dezenvolvimentu Polísia Nasionál (TLPDP), iha Sentru Formasaun Polísia, Komoro, Dili.

Tuir informasaun ne’ebé www.tempotimor.com asesu iha pájina Governu Timor-Leste, tersa (09/08) katak, programa formasaun ne’e hala’o husi loron 8 to’o 12 fulan-agostu, kona-ba investigasaun tráfiku umanu.

Ministru Prezidénsia Konsellu Ministrus (MPKM), Fidelis Manuel Leite Magalhães, halo abertura ba eventu ne’e hatete, Governu Konstitusionál Daualu iha kompromisu no empeñu hodi tau hamutuk esforsu sira hotu ne’ebé presiza atu prevene no kombate tráfiku umanu, proteje no apoia vítima sira.

Tanba Programa formasaun kona-ba investigasaun tráfiku umanu ne’e ho objetivu atu fornese ba partisipante sira koñesimentu no kompeténsia nesesáriu hodi hasa’e sira- nia kapasidade iha área prinsipál sira kona-ba investigasaun tráfiku umanu no apoiu ba vítima sira.

Programa ne’e hetan apoiu husi Organizasaun Internasionál ba Migrasaun (OIM), Alfela, Fundasaun ALOLA no husi Embaixada Uniaun Europeia nian.

Iha semana kotuk, liuhusi okaziaun ba komemorasaun Loron Mundiál Kontra Tráfiku Umanu, Governu Timor-Leste, serbisu hamutuk ho OIM, halo lansamentu ofisiál ba Prosedimentu Operasionál Padraun ba Identifikasaun Vítima sira no Mekanizmu Enkamiñamentu hodi kombate kazu tráfiku umanu, ne’ebé fornese mekanizmu lubun ida atu hasa’e kapasidade nasionál kona-ba identifikasaun, protesaun no apoiu ba vítima tráfiku umanu nian iha Timor-Leste.

Governu halo ona inisiativa lubun ida ba matéria ida-ne’e, hanesan preparasaun ba planu nasionál ida kontra tráfiku umanu, reforsu kapasidade institusionál, jestaun fronteira no preparasaun ba Sistema ida ne’ebé Integradu kona-ba Jestaun Informasaun Kriminál nian.

Aleinde ne’e, iha fulan-juñu tinan 2021, kria ona Komisaun Luta Kontra Tráfiku Umanu, ho misaun atu koordena, iha nível nasionál, asaun husi identidade responsavel oioin ba prevensaun no luta kontra tráfiku umanu, nune’e mós atu garante kooperasaun ho entidade estranjeira sira iha matéria ida-ne’e no akompaña aplikasaun ba dispozisaun konvensaun internasionál sira ne’ebé Timor-Leste adere ona.

Nune’e mós iha tinan 2009, Timor-Leste finaliza ona prosesu adezaun ba Konvensaun Nasoins Unidas Kontra Krime Organizadu Transnasionál no Protokolu Adisionál ba konvensaun ida-ne’e, kona-ba prevensaun, represaun no punisaun tráfiku umanu nian, liliu feto no labarik sira.

Tanba instrumentu internasionál ida-ne’e ho objetivu atu prevene no kombate tráfiku umanu, atu proteje no ajuda vítima sira husi tráfiku ne’e, hodi respeita tebes sira-nia direitus umanus no promove kooperasaun entre Estadus Partes atu atinje objetivu sira ne’e.

Iha tinan 2017, Parlamentu Nasionál aprova ona Lei Prevensaun no Luta Kontra Tráfiku Umanu (Lei númeru 3/2017, loron 25 fulan-janeiru), ne’ebé, aleinde medida sira ne’ebé ho objetivu atu prevene no kombate tráfiku umanu, proteje no fó asisténsia ba ninia vítima sira, aprezenta mós alterasaun dahaat ba Kódigu Penál, ho objetivu atu loke tán konseitu krime tráfiku umanu nian, hodi proteje ninia testemuña sira, prevee punibilidade ba ema koletiva no fiksa rejime tanba lakon ninia benefísiu atu afavór ba Estadu. (*)

Tempotimor (Dili)-Polísia Nasionál Timor-Leste (PNTL) liuhusi Servisu Informasaun Polísia (SIP) Nasionál, kaptura joven mane ida ho inisiál EPS (23) husi Laklubar, Munisípiu Manatutu, hela iha Aldeia 01 Suku Kaikoli, Postu Administrativu Vera Cruz, Munisípiu Dili, ne’ebé envolve krime furtu (na’ok) ekipamentu informátika iha área Manleuana.

Tempotimor (Dili)–Komandante Polísia Nasionál Timor-Leste (PNTL)  Eskuadra Dom Aleixo, Alex da Costa “Samurai” husu ba líder Arte Marsiál sira labele doutrina organizasaun nian, maibé mós hanorin doutrina nasionalizmu ba Membru sira iha treinu fatin.

Tempotimor (Dili)-Komandante Polísia Nasionál Timor-Leste (PNTL)  Eskuadra Maubisse, Inspetór Adolfo Brandao Silva Mota informa, durante fulan-hitu nia laran hahú husi Janeiru to'o Jullu konsege rejista kazu hamutuk ualu iha Postu Administrativu Maubisse, Munisípiu Ainaro.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter