Login to your account

Username *
Password *
Remember Me
Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Tempotimor (Dili) - Parlamentu Nasional (PN) simu proposta lei 4. Proposta 4 kona-ba alterasaun lei no ida seluk lei ratifikasaun Fronteira Maritima.

Prezidente Parlamentu Nasional, Arão Noé de Jesus Amaral hateten, PN simu ona proposta lei lima husi governu kona-ba soberanu Timor Leste nian iha tasi laran. 

"Proposta lei haat ba alterasaun lei sira ne'e, depois lei ida seluk kona-ba tratadu ratifikasaun fronteira marítima", dehan nia, iha Parlamentu Nasional, Tersa (9/7). 

Proposta lei sira ne'ebé simu ona ne'e sei despaixa ba displan hodi halo preparasaun pareser tekniku para hodi haree ba prienxe kritéria legalidade depois ajenda ba reuniaun iha lider bankada. 

"Iha reuniaun lider bankada depois bele baixa para semana oin sira hanesan ne'e (diskute)", dehan Arão. 

Tuir previzaun Parlamentu Nasionál nian diskusaun lei sira bele termina iha fim-de-Jullu, maibe depende mos ba sekuensia debate iha plenaria, tanba haree ba asusntu ida-idak ho detallu. 

Lei ne'ebé Prezidente PN simu husi Governu mak alterasaun Lei Tributária, alterasaun Lei Atividade Petrolifeiras no alterasaun Lei Fundu Petrolifeira nian, lei rua seluk mak lei nu. 3/2003 no lei nu. 4/2003.

Comment

Tempotimor (Dili) Programa Pacific Labour Scheme (PLS) ne’ebé VIII Governu Loke liu husi Sekretariu Estadu Formasaun Profesional (SEFOPE) hetan resposta pozitivu husi Timor-oan sira. Ida ne’e bele haree husi númeru aplikante ne’ebé hakarak atu kompete atu ba serbisu iha Australia.

Tuir informasaun husi SEFOPE, Timor-oan na’in 900 resin mak hatama sira-nia karta aplikasaun ba programa PLS.

Programa PLS nu’udar programa ne’ebé SEFOPE liu husi serbisu hamutuk ho governu Australia loke ba Timor-ona sira atu bele ba serbisu iha Australia

“Ami halo ona screening durante loron tomak ba sira-nia formulariu aplikasaun ne’ebé sira manda mai ita, kuaze 900 resin ona,” informa Koordenadór Programa PLS, SEFOPE, Paulo de Oliveira Rodriques foin lalais, iha Tower Fatuhada. 

“Kandidatu sira ne’e di’ak, ita haree sira-nia karta aplikasaun ne’e meet the criteria. Sira-nia Inglês di’ak no iha mós esperiensia serbisu”. 

Hafoin simu karta aplikasaun, iha 4 Jullu ekipa husi SEFOPE halo intervista ba kandidatu sira. 

“Intervista ne’e nu’udar selesaun dahuluk atu buka hatene kandidatu ne’ebé di’ak hodi bele oferese ba kompañia iha loron 8 Jullu tinan ida ne’e molok kompañia mai halo teste direita,” informa Paulo.

Iha fatin hanesan, kandidatu ida ba programa PLS, Andre da Costa (28) hatete, razaun nia hakarak tuir programa ida ne’e tanba iha Timor Leste seidauk iha kampu serbisu, no nia mós hakarak ba buka tan esperensia foun iha Australia. 

“Ami hakarak kontribui ba ita-nia nasaun hodi hamenus dezempregu,” hatete Andre. 

Molok ne’e, André nu’udar trabaladór ida iha Otel no kompaña balun iha Dili, no iha ona esperensia balun. Maske nune’e, nia hakarak atu koko sorte iha programa PLS hodi bele aumenta tan ninia esperensia.

Kandidatu seluk, Mateus Purificação (30) dehan, nia koko programa PLS ho intensaun atu bele hetan serbisu hodi aumenta rendimentu no buka esperensia foun. 

Ba kandidatu seluk, Quintão Martins Araújo Tilman (41), programa PLS ne’e pozitivu tan ne’e husu ba governu Timor Leste no Australia atu kontinua loke programa ne’ebé hanesan nune’e bele fó oportunidade ba Timor-oan barak liu tan ba serbisu iha Australia. 

Quintão dehan, nia prontu atu hala’o serbisu saida de’it bainhira hetan oportunidade.

Daudauk ne’e, Quintão serbisu nu’udar pesoal seguransa iha ONG balun iha Dili. 

Pacific Labor scheme programa ne’ebe fo oportunidade serbisu kleur uitoan ba ema sira husi nasaun illa pasifik ninian no Timor Leste ho Australia foin selebra akordu kona ba partisipasaun Timor Leste iha programa ne’e iha loron 29 fulan Marsu Tinan 2019.

Comment

Tempotimor (Dili) Konsellu Superior Defeza no Seguransa (KSDS) realiza enkontru ho Prezidente Repúblika Francisco Guturres Lu Olo hodi diskuti kona-ba ezonerasaun no nomeiasaun ba Komandante Komponente sira iha instituisaun FALINTIL Forsa Defeza Timor Leste (F-FDTL).

Comment

Tempotimor (Dili) - Prezidente Bankada CNRT, Duarte Nunes konsidera defisil ba governu Aliansa Mudansa ba Progresu atu realiza mehi hodi loke kampu serbisu rihun 60, tanba Prezidente Repúblika Francisco Guterres Lu Olo kesi hela governu AMP nia ain.

Comment

Tempotimor (Dili) - Xefe Estadu Maior FALINTIL Forsa Defeza Timor Leste (F-FDTL) Maijor Jeneral Lere Anan Timur hasai deklarasaun maka’as ba grupu artemarsiais Persaudaraan Setia Hati Terate (PSHT), Ikatan Kera Sakti (IKS) no Klibur Oan Rai Klaran (KORK) ne’ebé kontinua kria instabilidade.

Comment

Tempotimor (Dili) - Planu Ministeriu Finansas sei aprezenta senáriu Orsamentu Jerál Estadu (OJE) 2020 oin rua ba Konsellu Ministru, iha 17 Jullu 2019. 

Comment

Tempotimor (Dili) - Ró pasajeiru úniku Timor-Leste, Berlin Nakroma sae doka la'ós ona novidade foun. Kada tinan ró ne'e tenke ba estranjeiru hodi halo manutensaun.

Tuir dadus ne'ebe iha, durante tinan 10, manutensaun sai ona atividade rotina, tanba ne'e alokasaun orsamentu mos fiksu ona. Tinan ida Governu tau osan USD $350.000 ba kustu manutensaun nian. 

Nune'e, iha durante tempu Ró Nakroma iha ofisina laran Governu mós aluga ró balun husi estranjeiru hodi halo substitui operasaun. Kustu orsamentu ne'ebé tenke hasai tan ba aluga ne'e USD $400.000. 

Ne'e duni, iha kada tinan Governu iha obrigasaun hodi gasta osan USD $750.000 ba setor transportasaun marítima.

Maski nune'e, hakarak ka lakohi Ró Nakroma tenke ba sae doka iha rai liur tanba to'o agora seidauk iha alteenativa ruma ne'ebé Governu halo hodi halo popuansa ba despeza Orsamentu Estadu nian. 

Tuir Prezidente Komisaun B Parlamentu Nasional, Aderito Hugo da Costa hateten, atu halo manutensaun ba transporte máritima Komisaun B PN kontinua halo diskusaun hodi bele estabelese doka iha TL, nune'e manutensaun halo de'it iha rai laran. 

"Ba Transporte marítima ita infrenta hela situasaun ida seidauk estandariza. Ita nia Ró sira ne'ebé atu halo manutensaun ita laiha doka", dehan nia, iha Parlamentu Nasionál, Segunda (8/7). 

Aderito dehan, diskusaun durante ne'e orienta atu oinsa iha fasilidade doka para halo manutensaun ba ró sira, maibé to'o agora seidauk iha. 

"Doka to'o agora seidauk bele iha, tanba iha Portu Dili mós laiha doka, iha Portu Navál Militár nian iha Hera mós seidauk iha doka. Entaun ro sira ne'ebé iha ne'e atu hadia ne'e iha fatin sira ne'ebé manual tebtebes. Maibé (ita presiza) doka ida ne'ebé avansadu tebtebes, para bainhira tama manutensaun iha ona fasilidade para atende", tenik nia. 

Deputadu ne'e dehan, to'o agora doka seidauk iha, tanba ne'e parte ezekutivu, liu-liu minsitru transporte no komunikasaun tenke haree ba asuntu ne'e . 

"Ita seidauk iha aprezentasaun ida husi ezekutivu nian, tenke iha governu, ministru transporte komunikasaun tenke haree asuntu ida ne'e, para ita nia ró sira hanesan Nakroma ne'e kuandu halo manutensaun la presiza ba to'o Surabaia no fatin seluk. 

Deputadu Aderito mós subliña katak asuntu ne'e urjente tebes, tanba ne'e iha 2020 ne'e bele mai ona ho konstrusaun doka ne'e para ró militar no sivil sira ne'e halo manutensaun duke lori transporte ba nasaun seluk. 

Kona-ba rekursu umanu, tuir nia, laiha duvida tanba tekniku sira ne'e atu halo manutensaun ba transporte marítima iha Timor Leste barak loos, estudante barak mak estuda ona iha área tekniku nian.

Comment

Tempotimor (Dili) - Hafoin Governu Irlanda fo oportunidade ba timoroan hodi uza passaporte Timor-Leste ba servisu iha Irlanda. 

Comment

Tempotimor (Dili) - Iha Segunda (08/07), Xefe Negosiadór Delimitasaun Fronteira Maritima, Kay Rala Xanana Gusmão esplika alterasaun Lei Fronteira Maritima ba Primeiru Ministru (PM) Taur Matan Ruak.

Comment

Tempotimor (Dili) - Governu Timor Leste no Australia liu-liu Teritóriu Norte Australia kontinua hametin kooperaaun bilateral liuhusi asina akordu ba parseria estratéjiku nian hodi bele fó benefisiu ba povu rai rua nian.

Comment

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter