Tempotimor (Dili)-Tribunál Distritál Dili (TDD) iha loron sesta (03/09), hahú primeiru interogatóriu ba sidadaun timoroan na'in-4 no Indonézia na’in-1, ne'ebé antes ne'e envolve iha kazu transasaun ilegál ho ró ahi liuhusi Tasi Atapupu-Indonézia mai Dili, Timor-Leste.

Tempotimor (Dili)-Komisaun A trata asuntu Konstitusionál no Justisa iha Parlamentu Nasionál (PN) rekoiñese lapsu ne'ebé mosu iha Dekretu númeru 43/V, kona-bá alterasaun dahuluk ba Lei Resenseamentu Eleitorál númeru 5/2016, loron 25 fulan-Maiu.

Tempotimor (Dili)-Prezidente Partidu Asosiasaun Sosial Demokrátika Timorense (ASDT), Francisco da Silva deklara, estrutura no militante Partidu ASDT la kontente ho desizaun Tribunál Rekursu (TR), tanba notifika partidu atu labele kompete eleisaun maibé la halo analiza no verifikasaun.

“Ami la kontente, e povu mós la kontente nafatin ho desizaun ne'ebe tribunál rekursu foti”, hatete nia iha Sede partidu ASDT, Manleuana, segunda (02/08).

Tanba, iha tinan 2017, partidu ASDT simu karta notifikasaun husi Komisaun Nasionál Eleisaun (CNE) ho Sekretariadu Tékniku Administrasaun Eleitorál (STAE) autoriza atu partisipa iha eleisaun jerál tinan 2017.

Nune'e, liuhusi rezultadu kongressu ne'ebé Partidu ASDT hala'o, konsege tun fó pose ba esturura partidu ASDT nian iha baze.

Maibé, simu fali akórdaun husi tribunál rekursu, la autoriza partidu istóriku ne’e atu kompete, tanba rejístu dupla.

“Mais tuir lei hatete dehan, ida ne'ebé mak simu ona notifikasaun ne'e mak bele liu, ida ne'ebé mak la liuhusi kritéria, la simu notifikasaun, nia labele, tanba ne'e mak ami la kontente”, dehan nia. (*)

Tempotimor (Dili)-Prezidente Partidu Asosisaun Sosial Demokrata Timorense (ASDT), Francisco da Silva hatete, partidu ASDT dadaun ne’e prepara ona eleitorál hamutuk rihun-15 hodi bele partisipa iha eleisaun prezidensiál no parlamentát tuir mai.

Tempotimor (Dili)-Prezidente Tribunál Rekursu (TR), Deolindo dos Santos hatete, durante aplikasaun estadu emerjénsia ne’ebé hamosu Serka Sanitáriu (SS) ho Konfinamentu Obrigatáriu (KO) servisu tribunál rekursu ladún funsiona di'ak.

Tempotimor (Dili)-Deputadu 65 iha Parlamentu Nasionál (PN) deside hodi atualiza deklarasaun riku-soin ba Tribunál Rekursu (TR), tanba bazeia ba lei Medida Prevensaun no Kombate Korrupsaun (MPKK).

Prezidentde PN, Aniceto Longuinhos Guteres Lopes hatete, deklarasaun bens servisu ba kada deputadu ne'e, husi inisiu rejista ona iha Tribunál Rekursu tuir lei anterior, maibé tenke atualiza filafali tanba kumpre ba lei foun.

“Deklarasaun bens ne'e iha anterior no antes lei ne'e sai ne'e deputadu sira hato'o tiha ona deklarasaun de bens, kuandu iha inisiu de mandatu halo tiha ona, ida ne'e sei kumpre nafatin maibé hanesan lei ne'ebé hatete mós tenke atualiza ona, lei foun ne'e, atualiza ba tribunál rekursu”, deklara Aniceto Guteres hafoin marka audénsia ho Arsebispu Metropolitana Arkedioseze Dili, Dom Virgílio do Carmo da Silva iha  Lesidere, kinta (10/06).

Tanba, iha loron kuarta (09/06) Prezidente PN Aniceto Guteres mós marka ona audénsia ho Prezidente Tribunál Rekursu (PTR), Deolindo dos Santos, hodi buka solusaun ba kestaun ne'e.

“Ami ko’alia, hanesan tipu de koordenasaun ida oinsá mak prosesu ne'e bele solusiona”, hatete nia.

Nune'e, orgaun soberanu ne'ebé atu ba halo rejista iha tribunál rekursu ne'e, husi Prezidente Repúblika (PR), deputadu no membru governu maibé ba entidade sira seluk ne'ebé la'ós tuteladu ba orgaun soberanu, sei ba rejistu de'it iha Komisaun Anti Korrupsaun (KAK).

“Esektu membru governu ho deputadu sira ne'ebé tuteladu ba orgaun soberanu ne'e mak iha tribunál rekursu, maibá restu inklui tribunál rekursu ba fali iha KAK, ba rejista iha ne'eba”, dehan nia.

Tanba ne'e deputadu sira ne'e asume kargu substituisaun temporaria, ne'e la presiza halo atualizasaun ba deklarasaun riku soin iha Tribunál Rekursu.

“Se hanesan semana ida ka fulan ida de'it ne'e la presiza, não ser, se nia ba halo ona substituisaun to’o momentu kuandu atualiza, ida subsituitutu ne'e mós tenke atualiza, ou rejistu ninia bens”, deklara nia. (*)

Tempotimor (Dili)-Prezidente Tribunál Rekursu (TR), Deolindo dos Santos, husu Parlamentu Nasionál (PN) atu aprezenta ona lista deputadu atuál ba Tribunál Rekursu hodi halo preparasaun ba deklarasaun riku-soin.

Tempotimor (Dili)-Prezidente Tribunál Rekursu (TR), Deolindo do Santos hatete, PN presiza rona opiniaun tékniku balun husi Tribunál Rekursu  kona-ba proposta alterasaun lei prezidénsia ne'ebé submete husi governu.

Tempotimor (Dili)-Prezidente Tribunál Rekursu (PTR) Deolindo dos Santos rekoiñese orsamentu atu hari’i Tribunal Rekursu difikulta atu Hari’i Tribunál Distritál ba iha Munisípiu hodi lori justisa besik liu povu.

“Ita iha nesesidade ne’ebé mak ita hothotu akompaña dala barak ita hakarak justisa ne'e besik liu ba ita-nia populasaun sira, mais ita lakonsege lori to'o iha ne'eba tanba kestaun osan, distánsia”, hatete nia iha Parlamentu Nasional kuarta (5/5).

Ho kestaun orsamentu ne'e, Tribunal Rekursu dadaun uza de'it tribunal movél, maibé nia ezekusun ba despeza ne'e boot no la permanente.

Maibé iha mandatu foun ne'e, Tribunal Rekursu sei tau prioridade oinsá bele hari’i tribunal permanente ho ditánsia iha fatin tolu atu nune'e komunidade sira bele asesu kuandu iha kazu ruma.

“Ne'e mak hanoin hanusa mak atubele alarga tan tribunal permanente distánsia ne'e iha fatin tolu hanesan ne'e, ne'e mak ha’u-nia prioridade atu halo tempu badak nia laran, mais ida ne'e ita sempre ho apoiu mós husi ita-nia orgaun soberani sira”, hatete nia.(*)

Tempotimor (Dili)-Bazeia ba kazu entre Sekretáriu Jerál partidu Fretilin Mari Alkatiri ho deputadu bankada Kongresu Nasionál Rekonstrusaun Timor (CNRT) na’in 21, maka Prezidente Parlamentu Nasionál (PPN), Aniceto Guterres katak, husu levantamentu imunidade deputadu nian tribunál mak iha kompeténsia, la’ós bankada CNRT.