Tempotimo (Dili)-Prezidente Repúblika (PR), José Ramos Horta, halo abertura semináriu ba valoriza no fó protesaun legál traballadór doméstika iha Timor-Leste.

Tempotimo (Dili)-Forum Naun Governamental Timor-Leste (FONGTIL) ho parseriu worling Women's Center Timor-Leste (WWWCTL) komemora loron mundiál traballadór doméstika ho semináriu tema ‘valoriza fó protesaun legál ba traballadór doméstika iha Timor-Leste.

Tempotimor (Dili)-Traballadór Doméstika husi Ermera, Candida Baros, hatete, maske servisu traballadór doméstika todan maibé nesesidade obriga tenke servisu atu sustenta moris loroloron nian.

“Ha'u nu'udar servisu traballadór doméstika nian, sente todan maibé hanesan feto tenke halo servisu tanba nesesidade mak obriga, servisu iha uma laran, dasa rai, fase roupa no hein labarik”, dehan Candida iha Ótel Luiz Clarita, tersa (14/06).

Tanba iha ne’e mós halo servisu hanesan strika roupa, hamos jardin, dasa rai iha uma laran ka li'ur no hein labarik mak kolen liu, tauk labarik monu.

“Ha'u sente servisu balun di'ak no empregadór balun haree ha'u di'ak balun la di'ak mak hanesan bainhira ita hein labarik mak labarik monu ka kanek, ne'e sira hirus ami ho asaun oioin”, haktuir nia.

Maske halo servisu iha fati-fatin barak maibé sira selu ho saláriu $115 de'it, sente ladún sufisiente ba traballadór doméstika nia nesesidade loroloron.

“Servisu iha fatin balun ladún di'ak ne'e tanba ami hein labarik na’in-rua iha uma laran, halo ho servisu hanesan tein, fase roupa ne'e prekupa liu tauk labarik hetan dezastre”, esplika nia.

Tanba halo servisu barak mak labarik monu entaun empregadór sira to'o mai hirus, tolok, maibé nafatin pasiénsia hodi hala'o servisu.

“Bainhira ha'u hetan informasaun ka formasaun husi Worling women's center Timor-Leste (WWCTL), orienta ha'u ba servisu empregadór ida ne'e sente di'ak liu tanba oras deskansa mós iha”, dehan nia. (*)

Tempotimor (Dili)-Uniaun Traballadór Doméstika Timor-Leste (UTDTL) halo reparasaun ka reklamsaun nia diretu protesaun tgual ba Governu.