Login to your account

Username *
Password *
Remember Me

Tempotimor (Dili)-Polísia Sientífika Investigasaun Kriminál (PCIC) iha loron 02 fulan-dezembru 2021, detein sidadaun ida ho inisiál GM iha sela detensaun, tanba komete krime Roubu (krime naok).

Tempotimor (Dili)-Portavoz Polísia Sientífiku Investigamentu Kriminál (PSIK), Octavio da Costa Araújo esplika, kazu asidente tráfegu iha área Kuluhun hahú entraga filafali ba Ministériu Publik (MP) atu kontinua prosesu tuir lei.

Tempotimor (Dili)-Família husi matebian Renato Vieira de Araújo, ezíje justisa ba kazu husi asidente trafegu ne’ebé hetan soke husi suspeitu ida ho nia karreta privádu iha área Kuluhun, to'o oras seidauk iha justisa ruma ba suspeitu.

Tempotimor (Dili)-Ministériu Justisa (MJ) liuhusi Policia Ciêntífica Investigaçăo Criminal (PCIC) sevisu hamutuk ho Servisu Migrasaun (SM) instala ona sistema interpol iha Aeroportu Internasionál Prezidente Nicolao Lobato, Komoro-Dili.

Tempotimor (Dili)-Deskonfia Vítima Leandro Xena ne’ebé tolok Sekretáriu Jerál Partidu Fretilin, Mari Bin Amude Alkatiri ho Prezidente Repúblika (PR), Francisco Guterres ‘Lú Olo’, tanba ne’e hetan asatu husi suspeitu na’in-tolu (3) kinta (05/08), maizuomenus tuku 18:00, iha área Bebora, Suku Motael, Postu Administrativu Vera Cruz, Munisípiu Dili.

“Ho sira, ha'u laiha problema pesoál, ha'u mós durante ne'e nunka ransu ho sira, e depois de problema sira hasai liafuan ida dehan katak, ami baku ita-boot ne'e, tanba ita-boot ne'e mak tolok doutór Marí Alkatiri, tolok Prezidente. Ha'u dehan, ha'u lahatene. Ha'u to'o horibainhira mak ha'u hasoru doutor Marí Alkatiri, ha'u hasoru Prezidente direta para ha'u tolok, e ha'u nunka hasoru para ha'u tolok. Ha'u tolok saida”, dehan Leandro Xena, hafoin hato'o keixa ba Polísia Sientifíka Investigasaun Kriminal (PCIC) iha Kaikoli, sesta (06/08).

Tanba ne’e, vítima hatene suspeitu sira hanesan joven partidu Fretilin, “Ha'u hatene sira hanesan mós juventude Fretilin ne'ebé mak baibain sempre hatene. Mais ha’u la koñese di'ak, so ida de'it mak ha'u koñese di'ak, ida Ruben ne'e tanba uluk mós nia ho ami hamutuk iha partidu CNRT, sira iha ekipa ida Naroman ne'e, mai apoia partidu CNRT. Agora, ida fuk naruk ne'e naran Rozitu, ne'e ha'u nunka koñse iha ha'u nia vida, ha'u foin hasoru nia dala-rua”.

Ante akontesimentu ne’e, iha loron fulan-Jullu tinan 2021, suspeitu Ruben, ba derepente iha Minitériu Turízmu Komérsiu no Industria (MTCI) nian, hodi hasee no husu ba vítima dehan, ba halo saida, maibé vítima hatan servisu iha ministériu refere.

“Ha'u mós husu ba dehan, bro ita-boot husu ne'e, nusá, ha'u la komprende, tanba ha'u funsionáriu iha ne'e. Ita-boot sé, ha'u la komprende ita-boot husu ha’u ne'e. Ne'ebé sira mós hakat ba ministru nia fatin, ha'u sei tuir ba ha'u dehan, bro, ha'u la koñese ita-boot. Sé hakarak maun-alin karik, foti ha'u-nia númor telefone ba, buat ruma kontaktu”, konta tuir.

Tuir kronolójia, iha kinta (05/08) oras lorokraik, vítima husi nia uma Tasitolu, atu foti sasán balu husi iha Mandarin, no bainhira to'o iha uma oin, haree suspeitu sira tuur hemu hela kafé iha kios uma oin.

Bainhira atu tama ba uma laran, vítima mós hasee no fó komprimenta di’ak ba suspeitu sira, nune'e mós bainhira sai fali mai liur, vítima kontinua hasee sira ho di’ak nafatin hanesan baibain.

Maibé, suspeitu sira derepende hamrik hodi asalta lisuk vítima to'o monu ba rai hodi rezulta kanek iha ibun, oin, kabás no liman sikun parte sorin loos.

Hafoin akontesimentu, vítima ho família ba kedas hato'o keixa iha PSIK hodi buka tuir suspeitu sira no prosesa tuir dalan legál.

Reprezentante família husi suspeitu na'in-tolu, Florentino Ximenes da Costa hatete, kazu ne'e mosu la'ós tanba partidu, maibé tanba de'it dehan vítima ko’alia aat (tolok) lideransa nasionál na'in-rua.

“Atu hatete de'it katak, buat ne'e iha asaun mak, mosu reasaun. Maibé, buat hothotu oras ida ba Tribunál mak ita haree. Problema partikulra, problema tolok, liafuan tolok ligasaun ho partidu saida. Insulta ba lideransa nasionál, tanba ne'e mak mosu asaun ne'e. Laiha partidu”, dehan nia.

Suspeitu na’in-tolu ne’e hanesan jerasaun patriota nia oan, ne’ebé sente la satisfas bainhira rona sidadaun ida tolok lideransa nasionál sira hanesan Sekretáriu Jerál Fretilin, Marí Alkatiri ho Prezidente Repúblika, Francisco Guterres ‘Lú Olo’.

“Ne'e mídia sosiál mak halo viral partidu, mais laiha partidu iha ne'e. Tanba sira na'in-tolu ne'e oan kiak hotu, aman mate hotu iha funu laran, la gosta bainhira liafuan insultus hasoru lideransa nasionál. Tanba ne'e mak inísiu ohin ha’u dehan, iha reasaun mak mosu asaun ne'e”, afirma nia.

Tanba ne’e prezensa sira-nia iha Komanadu Munisípiu Dili, la’ós reprezenta partidu, maibé hanesan família atu fó apoiu moral ba suspeitu sira.

“Hanesan família, mai fõ apoiu morál ba maun-alin n'ain-tolu ne'e, atu haree, ita hothotu hatene, horisehik kazu ne'e viral loos iha mídia social”, esplika nia.

Enkuantu, suspeitu na'in-tolu, oras ne'e Polísia Nasionál Timor-Leste (PNTL), liuhusi komandu munisípiu Dili kaptura ona no halo hela identifikasaun, investigasaun, hafoin kontinua ba prosesu tuir dalan legál. (*)

Tempotimor (Dili)-Diretór Polícia Científika de Investigasaun Criminal (PCIC) Vicente Fernandes e Brito konsidera Lei Cyber Crime ne'ebé oras ne'e Ministériu Públiku (MP) submete ona ba Parlamentu Nasionál (PN) inportante ba Timor-Leste hodi halo prevensaun ba krime sibernétika.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter