Login to your account

Username *
Password *
Remember Me

Tempotimor (Baukau)-Ministériu Públiku (MP) ameasa pena prizaun tinan rua to’o neen (2-6) ba eis Prezidente Autoridade Munisipál (PAM) Baukau ho Arguidu na’in-2, tanba deskonfia envolve kazu administrasaun danoza.

Tempotimor (Dili)-Komisaun A ne'ebê trata asuntu justisa no Konstituisionál iha Parlamentu Nasionál (PN) deside kontinua halo diskusaun no aprovasaun espesialidade ba artigu 200-resin ne'ebé prevé iha Proposta-Lei Estatutu Ministériu Públiku (MP).

Tempotimor (Dili)-Família husi matebian Renato Vieira de Araújo, ezíje justisa ba kazu husi asidente trafegu ne’ebé hetan soke husi suspeitu ida ho nia karreta privádu iha área Kuluhun, to'o oras seidauk iha justisa ruma ba suspeitu.

Tempotimor (Dili)-Parlamentu Nasionál (PN) deside fó orientasaun ba Komisaun Espesializada A, C, no D atu kontinua hala'o serbisu durante iha periodu resesu.

Tempotimor (Dili)-Polísia Siéntífika Investigasaun Kriminál (PSIK) simu kazu delegasaun kompeténsia hamutuk kazu 244 husi Ministériu Públiku (MP) entre tinan 2020 ho 2021, tanba natureza kompleksu.

Tempotimor (Dili)-Família husi Matebian Renato Vieira de Araújo, deskonfia Polísia Sientífika Investigasaun Kriminal (PSIK) subar suspeitu ne'ebé soke matebian sira-nia alin iha área Kuluhun-Dili.

Tempotimor (Dili)-Deputada Bankada Congresso Nacionál de Reconstrução de Timor (CNRT), Carmelita Caetano Moniz, konsidera Ministériu Públiku hala'o servisu la independente no imparsial, tanba ingnora keixa husi bankada CNRT.

Tempotimor (Dili)-Parlamentu Nasionál (PN) dadaun seidauk halo levantamentu imunidade ba deputadu na'in-8 husi bankada Congresso Nacionál de Reconstrução de Timor (CNRT) kona-ba kazu harahun meza, depende pedidu notifikasaun husi Tribunál.

Tempotimor (Dili)-Prokuradór Jerál Repúblika (PJR), Alfonso Lopez hatete, Prezidente Repúblika (PR), Francisco Guterres 'Lú Olo' fó apoiu nafatin ba Ministériu Públiku (MP) atu fó atensaun máximu ba kazu sira ne’ebé konsiderra grave.

Tempotimor (Dili)-Deputada Bankada Bankada Congresso Nacional de Reconstrução de Timor (CNRT), Carmelita Caetano Monis husu ba Ministériu Públiku (MP) atu notifika ona Deputada, Maria Angelina Sarmento nu’udar Vise Prezidente Parlamentu Nacionál (PN), bazeia ba keixa  denunsia krime ne’ebé hato'o husi CNRT.

Pozisaun CNRT hato'o ona keixa ho tipu denunisa krime ba iha Ministeriu Publiku kontra  Vise Prezidente PN, Maria Angelina Sarmento tanba halo uzurpasaun ka hadau kargu Prezidente PN husi deputadu, Arão Noe Amaral liuhusi prosesu eleisaun iha loron 18 no 19 fulan-maiu tinan 2020.

“Iha momentu ne'eba ami deputadu CNRT mós hatama keixa ida kontra deputada Maria Angelina Sarmento, hatama denunsia de krime iha 19 de maiu ne'e kedan, kuandu depois sira halo uzurpasaun de poder, hadau poder iha plenária”, dehan nia iha PN, tersa (15/06).

Nune’e, CNRT duvida ho Ministériu Públiku nia prosesu ba keixa ne’ebé CNRT hato'o iha loron 19 fulan-maiu tinan 2020.

“Denunsia ida ne’ebé deputadu CNRT sira hatama, ha’u lahatene agora deputadu sira bankada Governu ne'e hetan ona notifikasaun ka lae?. Tanba se ita haree katak, ita-nia orgaun sudijiál sira hala'o buat hothotu tuir lolos lei, tuir lolos ida ne’ebé mak tama uluk no tama ikus entaun prosesu ne’ebé mak tama uluk nia mak tenke prosesu uluk”, hatete nia.

Tanba deputadu CNRT mak hatama denunsia dahuluk, kontra atetude uzurpasaun poder ne’ebé komete husi vise Prezidente PN, Maria Angelina Sarmento tanba viola konstituisaun repúblika artigu 99, númeru 3, rejimentu PN artigu 17, númeru 1 alinea B, nomós kódiku penal, artigu 190, 195, 203, 204. (*)

 

Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter