Tempotimor (Dili)-Portavoz Polísia Sientífiku Investigamentu Kriminál (PSIK), Octavio da Costa Araújo esplika, kazu asidente tráfegu iha área Kuluhun hahú entraga filafali ba Ministériu Publik (MP) atu kontinua prosesu tuir lei.

Tempotimor (Dili)-Prezidente Tribunál Rekursu (PTR), Deolindo dos Santos hatete, kazu sidadaun ne’ebé ilegál iha fronteira, dadaun ne’e sei iha Polísia Nasionál Timor-Leste (PNTL) ho Ministériu Públik (MP).

Tempotimor (Dili)-Prokuradór Jerál Repúblika (PJR), Alfonso Lopes hatete, Ministériu Públiku (MP) rejistu hela kazu padente hamutuk  3.112, iha situasaun pandemia Covid-19 ina laran.

Tempotimor (Dili)-Tribunál Distritál Dili (TDD) liuhusi prosesu primeiru interogatóriu hodi aplika TIR (Termo Identidade Residençia) ba sidadaun na'in-lima (5) ne'ebé envolve direta iha kazu kona-ba halo transasaun ilegál ho ró-ahi liuhusi tasi Indonézia mai Timor-Leste.

Tempotimor (Dili)-Insidente ne’ebé mosu iha loron domingu (29/08), joven sira ataka malu iha Suku Triloka, Postu Administrativu Baukau Villa, Munisípiu Baukau rezulta ema na'in-4 kanek iha isin lolon, tanba kauza husi hamu tua.

Tempotimor (Dili)-Parlamentu Nasionál (PN) dadaun seidauk halo levantamentu imunidade ba deputadu na'in-8 husi bankada Congresso Nacionál de Reconstrução de Timor (CNRT) kona-ba kazu harahun meza, depende pedidu notifikasaun husi Tribunál.

Tempotimor (Dili)- Rede Defensór no Diretu Umanu (RDDU) ejize Primeiru Ministru (PM), Taur Matan Ruak, nu’udar Ministru Interior atu remodela kargu Komisiáriu Polísia Nasionál Timor-Leste (PNTL) hodi hatudu imajen di’ak ba públiku.

Tempotimor (Dili) - Prezidente Repúblika (PR), Francisco Guterres ‘Lú Olo’, husu ba Prokuradór Jerál Repúblika (PJR), Alfonso Lopez atu labele permite intervensaun Politika mosu iha servisu justisa.

Prezidente Repúblika ne’ebé fó posse ba dirijente as liu iha estrutura Ministériu Públiku, tuir estatutu obrigatóriu ida ne'ebé marka loron dahuluk emposadu hahú nia kna’ar.

Haree ba artigu 86, alínea k) husi artigu 133, númeru 3, Konstituisaun Repúblika, konjuga ho artigu 12, númeru 1, númeru 2 husi Lei númeru 14/2005, 16 setembru, altera husi Lei númeru 11/2011, 28 setembru (Estatutu Ministériu Públiku) mak dekreta hodi nomea Alfonso Lopez nu’udar Prokuradór Jerál Repúblika foun

"Majistradu Ministériu Públiku no autór sira seluk ne'ebé halo parte sistema justisa formal la bele permite intervensaun polítiku-partidária iha sira-nia lala'ok. Sira-nia lala'ok la bele mós politiza (la pior liu, partidariza fali) atu sastisfáz de'it forsa polítiku-partidária ruma maibé la bele kahur gostu pesoál ho lala'ok profesionál”, dehan Prezidente Repúblika Lú Olo iha Palasíu Prezidensiál Bairopite, kinta (29/04)

Tanba Nú. 3 artigu 132 Konstituisaun RDTL hatete, majistradu sira iha Ministériu Públiku, bainhira hala'o sira-nia knaar, sira submete ba kritériu sira kona-ba legalidade, objetividade, izensaun no tenke haktuir direta ho orden sira iha lei laran.

"Ha'u husu nafatin ba hothotu atu halo esforsu atu hadi'ak liután instituisaun sira ne'ebé hala'o justisa formal estadu nian”, afirma Lú Olo.

Husi Prokuradór sira hotu iha nível sub-nasional no husi interveniente no koloborador sira seluk, hein katak sei kontinua kolobora ho forma di'ak liu ho Prokuradór Jerál foun atu instituisaun ne'e bele hala'o ninia kna’ar ho rigor liután, efisiénsia, lais liu, ho kualidade no kredibilidade as liu, nune’e konkista liután no ba beibeik konfiansa husi povu. (*)

Tempotimor (Dili)- Tribunál Distritál Dili (TDD) hahú ona halo julgamentu primeiru interrogatóriu ba arguidu na’in rua, iha loron 26 fulan Novembru tinan 2020.

Tempotimor (Dili) - Mosu kazu sona ema iha Munisípiu Baukau iha loron 12 Agostu no iha loron tuir mai kontinua konfrontu iha nunira postu-Administrativu Laga rezulta uma kuaze 12 hetan sunu.

Ho akontesimentu ne'e, Prokuradór Jerál Repúblika (PJR), José da Costa Ximenes informa, daudaun servisu hamutuk ho Polisia Nasional Timor-Leste (PNTL), identifika ona arguidu na'in 21 no fó opsaun rua, ida entrega aan rasik ka buka tuir hodi kaer.

"Agora dadauk Prokuradoria Distritál Baukau ninia xefe ho prokurador sira organiza hamutuk ho orgaun polisia kriminal PNTL Baukau no mos Polísia Investigasaun Kriminal Nasionál, organiza hela ba arguidu ne'ebé ami identifika pelumenus ema 21, sira ba rasik polísia ka ami mak buka tuir para kaer sira", dehan nia hafoin soru-mutu ho Prezidente Republika, Francisco Guteres Lú Olo, iha Palásiu Prezidensiál Bairru-Pité, Tersa (18/08).

Tuir nia, presiza trankilidade no seguransa ba ema hotu tenke kontribui, ida ne'e mak situasaun akontese pelumenus loron 1 to'o 18 Agostu ne'ebé mosu iha Baukau.

Nia hatutan, depois kazu sona ema iha Vila-Nova Baukau, arguidu halai mai Dili, nune'e PNTL kaer hodi aprezenta primeiru interogatoriu tribunal deside aprezentasaun periodika, maibé Ministériu Públiku haree prosesu ne'e no la simu tanba ne'e agora prepara hela prosesu rekursu.

Akontesimentu loton 13 Agostu iha Nunira-Laga ne'e envolve ho grupu arte-marsiál IKS ho PSHT hafoin akontesimentu iha loron 12 Agostu.

Alende akontese iha Baukau Vila no Laga, iha mos akontese mos iha postu-Administrativu Vemasse akontese omesidu no Munisípiu Manufahu ne'ebé kazu ho forma tentadu konjuga ho rama ambon.

Prokuradór hatutan, iha Same mós akontese kazu omesidu ho forma tentadu konjuga ho rama ambon, entaun tribunal Suai deside prizaun preventiva. (*)