Tempotimor (Dili)-Vise Ministru Justisa (MJ), José Edmundo Caetano hatete, dadauk juiz na'in-4 konsege asume kna’ar hanesan konselleiru iha klase dahuluk juiz Timor-Leste.

Tempotimor (Dili)-Vise Ministru Justisa (MJ), José Edmundo Caetano hatete, Governu iha planu hodi hamenti sistema judisiáriu ne’ebé forte no kualidade iha Timor-Leste liuhusi reforma judisiáriu.

Tempotimor (Díli)-Ministru Prezidensia Konsellu Ministru (MPKM), Fidelis Leite Magalhães hatete, Governu liuhusi Vise Ministru Justisa (MJ) submete ona relatóriu kona-ba progressu no dezafiu direitu umanu ba Konsellu Ministru (KM).

Tempotimor (Díli)-Prezidente Igreja Evanjélica Assembleia de Deus Timor-Leste, pastor Francisco dos Reis hatete, Ministériu Justisa (MJ) diskrimina hela sertidaun kazamentu husi kristaun protestante.

Tempotimor (Dili)-Ministériu Justisa (MJ) liuhusi Policia Ciêntífica Investigaçăo Criminal (PCIC) sevisu hamutuk ho Servisu Migrasaun (SM) instala ona sistema interpol iha Aeroportu Internasionál Prezidente Nicolao Lobato, Komoro-Dili.

Tempotimor (Díli)-Ministru Justisa (MJ), Manuel da Costa Carcéres hatete, sira husu Orsamentu Jerál Estadu (OJE) adisionál montante rihun US$2 ba Komité Revizaun Orsmanentu - Polítika (KROP) atu halo dezeñu BoQ (Bill of Quantities) Prizaun Wereberek atu muda sai Prizaun iha Munisípiu Dili-Bekora, Ermera-Gleno no Covalima-Suai ba Weberek iha Postu administrativu Fatuberliu Munisípiu Manufahi.

Tempotimor (Dili)-Tribunál Distritál Dili (TDD) iha loron tersa (08/06) hahú halo primeiru interrogatóriu ba ajente Polísia Nasionál Timor-Leste (PNTL) RA, tanba ameasa feen ho pistola.

Tempotimor (Díli)-Deputada Parlamentu Nasionál (PN) husi bankada Congresso Nacional Reconstruçăo Timor-Leste (CNRT), Carmelita Caetano Monis husu ba Visé Ministru Justisa (MJ), José Edmundo Caetano atu esolika ho klareza kona-ba polítika foun husi MJ nian, ne'ebe tuir planu atu haruka prizioneriu ba eskola iha liur.

Carmelita hato'o kestaun ne'e, relasiona ho deklarasaun husi Visé MJ nian ne'ebé deklara ba públiku iha loron Kuarta (29/07) kona-ba atu halo programa foun ho termu jurídiku "Rejíme Aberta" ba prijioneiru sira atu bele hala'o atividade iha liur.

"Ha'u husu tok, ida ne'e, keta polítika ka programa foun ida karik, ida ne'e faz-parte pena ka, ou faz-parte promove ita nia prizioneiru sira," hatete deputada Carmelita Caetano Moniz durante intervensaun liuhosi debate espesialidade ba proposta OJE 2020 iha plenári PN, tersa (6/10).

Nia hatete, sé MJ iha polítika foun tanba de'it ho asesóres ne'ebé barak, hodi fó ona hanoin foun ida ba Visé MJ, entaun esplika took, sé programa ne'e mak mosu, ida ne'e atu responde ho orsamentu husi Item ida ne'ebé.

Hatan ba kestaun ne'e, Visé Ministru Justisa, José Edmundo Caetano hatete, Programa ne'ebé MJ planeia, laiha intensaun no polítika foun atu haruka prijoneiru ida atu sai husi ita nia rain.

Maibe tuir nia, planu ne'ebe sira kria, bazeia ba rejíme abertu, signifika sei buka fatin própoiu ida, atu utiliza ba prizioneru tuir formasaun.

"Saida mak tenta atu halo agora, i ita halo hela preparasaun, atu aplika rejíme abertu, ba ita nia prizioneiru sira", nia kestiona.

Tuir nia, planu fó formasaun ba prizioneru, ida ne'e hanesan polítika ida atu halo tranzisaun ba re-integrasaun sosiál, maibé la'ós atu haruka ba estranjeiru, inklui La'ós atu haruka ba eskola iha Universidade Liceu sira.

"Sira iha fatin própiu para atu tuir formasaun, no preparasaun ba re-intergrasaun sosiál, sai televizaun infelizmente ha'u mós la haree dehan atu ba iha estrajeiru, sé dehan sai ba estranjeiru karik, lori ministemériu nia naran husu deskulpa ba Señora deputada", dehan Edmundo.

Molok ne'e, Visé Ministru Justisa (MJ), José Edmundo Caetano mós deklara, tuir loloos kapasidade prizaun Bekora akumula de’it prizioneiru na’in 250, maibé daudauk ne’e prizioneiru ne’ebé hela iha Prizaun Bekora sa’e to’o na’in 591.

"Tanba ne'e, ba oin ha'u sei halo programa ida ne'ebé moderniza prizaun ne'e ho di'ak ba futuru joven sira ne'ebé mai kumpri pena iha prizaun iha ne'e, sira bele halo mós serbisu seluk iha liur," nia afirma.

https://www.youtube.com/watch?v=xuG6uGIO1nI

Tempotimor (Dili) – Sekretariu Jeral G7+ Helder da Costa hatete, paz no estabilidade iha nasaun Timor-Leste agora la'o di'ak tebes no sai mós hanesan lisaun ida atu hanorin nasaun pos konflitu sira seluk.

"Lisaun boot ida, ita hanorin ba pais sira seluk mak ne'e, laiha ona konflitu no violénsia. Maski iha empase no inserteza polítika. Kuandu buat hirak hanesan ne'e mak mosu iha rai seluk, funu mosu ona. Tanba, situasaun sira ne'e ema komesa inpasensia azita tun sa'e. Mais, grasas a deus ita Timor la hanoin ona buat sira hanesan ne'e," esplika Sekretáriu Jerál G7+, Helder da Costa ba jornalista sira iha Palásiu Governu, Tersa (10/12/19).

Nia afirma, Timor-Leste agora unidade no paz. Tanba, iha lideransa ne'ebé forte no povu mós  maduru i kompriende ona prinsípiu demokrasia. Liuliu joven sira. Maski tentasaun oioin, maibé hakmatek ona. Ida ne'e, hanesan lisaun ba nasaun sira seluk.

Helder dehan, sidadaun hotu-hotu kompriende ona kona-ba demokrasia. Nune'e, mantein nafatin paz no estabilidade, hodi hala'o dezenvolvimentu.

Nia relata, iha situasaun polítika Timor nian, governu nafatin funsiona ho di'ak. Tanba ne'e, konsidera ita nia rai nafatin, paz no estabilidade. Helder espera, ba oin TL bele dezenvolve di'ak liután.