Login to your account

Username *
Password *
Remember Me

Tempotimor (Dili)-Ministru Turizmu Komersiu Industria (MTKI), José Lucas do Carmo da Silva hatete, ekipa staf pavilaun expo Dubai 2020 husi grupu dahuluk hamutuk na'in-14, aban (14/09) sei halo viajen ba nasaun United Arab Emirates (UEA) sidade Dubai hodi aprezenta produtu husi setór haat (4) importante Timor-Leste (TL).

Tempotimor (Dili)-Governu liuhusi Ministériu Turizmu Komersiu Industria (MTKI) hamutuk ho parseiru internasionál pprepara orsamentu ho montante US$42,700 ba diversifikasaun ai-hán iha Timor-Leste.

Tempotimor (Dili)-Ministeriu Turizmu Komérsiu Industria (MTKI) bolu Autoridade no Diresaun Sira iha Ministériu atu aprezenta prátika hodi hasa’e kualidade kontrolu importasaun alimentu.

Tempotimor (Kelikai)-Lia-Na’in husi Uaibitai, Aldeia Laumana, Suku Letemumu, Postu Administrativu Kelikai husu ba Governu atu hadi’a Bee Tuda Salaira iha área Uaibitai-Matebian.

"Iha ne'e atu Bee di'ak maibé oinsá mak atu sai di'ak ne'e ami husu ba Governu no ulun boot sira mak hatene”, hateten Lia-Na’in Uaibitai, Agostino Freitas iha Bee Tudak Salaira hafoin la'o hamutuk ho Primeiru Ministru, Taur Matan Ruak vizita Bee refere, domingu (22/08).

Komunidade sira husu atu hafasil komunidade no vizitante sira ne'ebé hakarak vizita Bee Tuda Salaira.

"Ami husu atu hadi’a estrada sira iha besik ne'e para kuandu ulun-boot sira mai karik labele la'o kolen no karik mak di'ak ona ami sei kria regra ruma aban bairua kuandu di'ak ona bele hadi’a tiha buat ne'e ami husu ba komunidade sira labele soe foer”, hatete nia.

Ministru Turizmu Komérsiu no Industria (MTKI), José Lucas do Carmo hatete, iha tempu badak MTKI sei realiza programa dalan rezisténsia ba kada suku inklui mós Letemumu.

"Oras ne'e dadaun Governu prepara ona programa ida naran dalan ba rezisténsia iha Kada Suku no tempu badak ekipa Tékniku sira mai hodi esplika ba Komunidade iha suku sira liliu iha Postu Pdministrativu Kelikai,” dehan nia.

Bee Tuda Salaira mosu iha Foho Matebian Feto no Mane nia leet ne'ebé lokaliza iha Aldeia Laumana, Suku Letemumu Postu Administrativu Kelikai, Munisípiu Baukau. (*)

Tempotimor (Dili)-Ministériu Turízmu Komérsiu no Indústria (MTKI) hahú ona estudu viabilidade hodi deside Suku Kuluhun, Postu Administrativu Cristo Rei, Munisípiu Dili sai fatin pilótu ba atividade jogu tradisionál.

Tempotimor (Dili)-Governu liuhusi Ministériu Turízmu Komérsiu no Indústria (MTKI) dadaun ne'e hahú halo ona prosesu aprovizionamentu hodi reabilitasaun ba fatin turízmu sira iha Cristo Rei.

Tempotimor ( Covalima)-Maske governu liuhusi Ministériu Komérsiu no Indústria (MTKI) hatur ona estadarizasaun ba presu fós, maibé pesoál balun kontinua aproveira situasaun Estadu Emerjensia hodi hasa'e folin fos, nune'e iha Sabado (6/3) Polísia Nasionál Timor-Leste (PNTL) Munisípiu Covalima kaptura no detein ona negosiante na'in haat, tanba fa'an fos kada saku ida ho presu dollar $20.00.

Tuir negosiante ho inisial RA (29) ne'ebé hetan kapturasaun, informa ba www.tempotimor.com iha eskuadra PNTL Covalima katak, parte nia simu duni fos saka 40 iha ponte Tafara ne'ebé baliza ho postu Suai, simu husi negosiante DGA (38) no AdF (31) nu'udar fen-la'en husi Suia, tanba parte seguransa mak autoriza.

"Ha'u ba husu lisensa iha parte seguransa Unidadea Polísia Fronteira (UPF) no parte saúde sira, entaun hetan autorizasaun no ha'u foti fos saka 40 iha ponte Tafara, ne'ebé fós sira ne'e rasik ho presu dollar $14.50 sentavus," katak RA ba www.tempotimor.com, Sábadu (6/3).

Nia afirma, "Sira mak autoriza, maibé depois meudia fali polísia mai uma, dehan ba ha'u sa'e kareta, entaun ha'u mós sa'e kareta polísia nian no sira lori ha'u mai estasaun polísia hodi hein investigasaun," dehan Nia.

Alende ne'e www.tempotimor.com akompaña katak, molok halo investigasaun ba negosiante RA, parte polísia investiga no detein ona RA nia kaben iha sela.

Tuir informasaun ne'ebé www.tempotimor.com asesu husi membru PNTL ida ne'ebé husu atu labele públika nia naran katak, sidadaun sira ne'e PNTL kaptura tanba fa'an fos saku ida to'o dollar $20.00.

Entretantu negosiante na'in haat ne'ebé PNTL kaptura no detein ne'e, na'in rua husi Suai nu'udar feen-la'en no na'in rua seluk husi Tilomar ne'ebé estadu sivíl kaben-na'in mós, tanba kazál RA no EdA ne'ebé fa'an fos liu estadarizasaun ne'e husi aldeia Wetaba suku Biseuk, postu Tilomar, munisípiu Covalima.

To'o notísia ne'e públika, www.tempotimor.com seidauk halo konfirmasaun ba Komandante PNTL Covalima, Superintendente Antônio Maria de Sá, tanba laiha fatin mo sidadaun sira ne'e polísia kaptura iha lokraik maizumenus oras tuku 6:45.(*)

Tempotimor (Dili) – Governu liuhusi Ministériu Turismu Komérsiu no Indústria (MTKI) no Sentru Lojístika Nasionál (CLN) sei halo intervensaun ba folin fós iha Munisípiu Covalima iha tempu badak.

Tempotimor (Díli)-Komemorasaun loron proklamasaun independénsia Repúblika Demokratika Timor-Leste (RDTL) ba dala-45, ne'ebé organiza husi Ministériu Administrasaun Estatál (MAE) no Ministériu Turízmu Komérsiu no Indústria (MTKI), mak konfirma katak grupu 129 mak sei partisipa iha feira nasionál.

Tempotimor (Dili) - Ministériu Turizmu no Komérsiu Indústria (MTKI) lansa sertifikadu elektronika hodi fasilitasaun atividade esportasaun no importasaun entre Timor-Leste ho Xina.

Ministru Turizmu no Komérsiu Indústria, Jose do Carmo da Silva hateten, lansamentu sertifikadu ne'e oportunidade no istoriku ba Timor, liuliu ba governu no parseiro sira, tanba bele lansa sertifikadu orijen eletróniku ne'e.

"Era dijital agora ne'e ita presiza tebes atu buka meiu hodi bele akomoda interese autór sira ne'ebé halo negósiu, ho nune'e bele fasilita sira hodi kompete iha merkadu rejionál no internasionál", dehan Ministru, iha edifísiu MTCI, Kinta (21/09).

Nia hatutan, ministériu hanoin tebes atu kria atendementu públiku ne'ebe lais, fasil no tranparante ba pasu importante ne'e.

Sertifikadu ne'e sei haforsa no hakbiit integrasaun dadus orijen Timor ninia, ho nivel rejionál no nivel internasionál iha prosesu negósiu.

"Medida no estratejia ne'e ita opta atu hasae ka eleva kompetividade iha nivel rejionál no internasionál, nune'e atu dudu TL adopta pratika ho negosiu ho inovativu no enkoraja fasilidade negósiu, ho estandar ne'ebe adopta ona iha nivel rejionál no internasionál", dehan Ministru José.

Lansamentu ne'e mós aliña ho programa Governu nian diretiva iha implementasaun programa servisu dijitál nian.

Ministru mós atu partilla ba públiku katak, bazeia ba dadus ne'ebé publika iha website forum Makau ninia, bazeia mós ba estatistika costum service ne'ebé relata katak TL iha relasaun merkadu relativamente, aumenta uitoan negósiu ho governu Xina iha nasaun CPLP por volta de tokon $ 1.950 iha transasaun komersiál.

Lansamentu sertifikadu orijen ne'ebé lansa, sei haforsa no atinji meta jeral fasilidade halo negósiu nian iha enkuadramentu Ázia Pasífiku nune'e mos iha Uniaun Europeia ninia.

Ministru haforsa tan, sertifikadu ne'e util tebes iha relasaun atu halo importasaun no esportasaun ba Xina, nune'e mos ba rejiaun Europeia.

Iha fatin hanesan, Embaixadór Xina mai TL, Xiao Jianguo, haksolok tebes tanba TL ho Xina bele halo kooperasaun ba negosiasaun sasán importasaun no esportasaun.

"Ida ne'e servisu hamutuk entre nasaun TL ho Xina iha kooperasaun ne'ebe pozitivu tebetebes" dehan embaixador Xiao.

Nia hatutan, nu'udar reprezentante nasaun Xina agradese ba miniterio hotu hotu, liuliu komérsiu nian no espera ba futuru sei esporta sasán TL nia ba Xina ho diak liután.

Nia dehan, sei nafatin servisu hmutuk ho MTKI no kontrola nafatin kualidade para ba oin avansadu liutan no bele ajuda agrikultór sira.

Tanba, agrikultór iha TL ne'e kapaas tebes, liuliu kafe lakuten, tanba Xina deskobre katak kafe ne'e iha kualidade ne'ebe diak tebtebes. (*)  

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter