Tempotimor (Dili)-Vise-Ministra Solidariedade Sosial no Inkluzaaun (Vise-MSSI), Signi Verdial hatete, Governu  aprezenta ona lei Rejime Jurídiku kona-ba ba Eis titulares ka hanaran Pensaun Vitalisia horseik (31/01) ba Parlamentu Nasionál, maibé deputadu sira haruka hadi’a tán lai.

Maibé, deputadu sira iha Parlamentu Nasional laiha esplikasaun no rekomendasaun ida klaru ba hadi’a lei ne’e, nune’e kria konfuzaun ba Governu.

"Proposta da lei horseik (31/01) ita aprezenta ba iha Parlamentu Nasionál kona-ba rejime jurídiku ba ita nia titulares sira horseik la passa iha Parlamentu, nune'e Deputadu sira husu ba Governu atu hadia", dehan nia hafoin reuniaun Konsellu Ministru iha Palásiu Governu, kuarta (01/02).

Proposta sira iha Lei Rejime jurídiku ne'e rasik governu hadi’a tiha ona, maibé kontinua la passa nune'e Parlamentu Nasionál husu atu hadi’a didiak lei refere, maibé la iha esplikasaun klaru husi Deputadu sira  atu hadi’a lei parte ida ne'ebé.

Tanba Deputadu sira iha Parlamentu Nasionál la halo esplikasaun klaru sei la ajuda governu atu hadi’a di'ak liu tan no difikulta lori fali ba Parlamentu Nasionál atu debate.

"Maibé governu nia hanoin artigu sira iha Proposta laran ne'e ita hadi’a hotu ona, entaun ami husu sekarik Parlamentu hakarak ami governu hadi’a tenke mensiona espesífikamente parte ne'ebé mak governu atu hadi’a la'os atu halo statementu jerál de'it, entaun difísil ba Governu atu hadi’a iha parte ne'ebé? Entaun ida ne'e mak horseik ami Propoin ba Parlamentu karik bele halo rekomendasaun mais profunda iha parte ida ne'ebé loos mak ita atu hadi’a, maibé horseik la passa la konsege vota", hateten nia.

Nune'e, Prezidente Parlamentu sujere fali mai governu, maibé la iha rekomendasaun klaru atu hadi’a rejime jurídiku ka lei ida ne'ebé, nune'e sei difísil ba Governu atu hadi’a lei Pensaun Vitalisia.

Kestaun tuir mai, Governu sei hein Parlamentu Nasionál haruka karta ba Governu bainhira mak atu halo debate fali ba rejime jurídiku ba lei Pensaun Vitalisia.

Kona-ba rejime jurídiku ne'e, parte Governu hein rekomendasaun husi Parlamentu Nasionál atu halo mudansa ba lei ida ne'ebé, tanba ne'e Governu kontinua mantein nia pozisaun iha lei refere. (*)

Tempotimor (Dili)-Deputadu husi bankada Partidu Demokrátiku (PD) Adriano do Nacimento, konsidera desizaun altera Lei Pensaun Vitalísia (LPV), depende de'it ba inisiativa husi Parlamentu Nasionál (PN).

Tempotimor (Dili)-Komisaun A ne'ebé trata asuntu justisa no konstituisionál iha Parlamentu Nasionál (PN) rejeita ho interpretasaun ne'ebé lansa husi mídia nasionál sira katak Lei Pensaun Vitalísia sei ejiste, tanba lei ne'e rasik revoga ona.

Tempotimor (Dili)-Governu Konstitusionál daualu husik ejizensia públiku nia kona-ba Lei Pensaun Vitalisia iha Parlamentu Nasionál (PN) atu deside hodi ajenda ba diskusaun.

Tempotimor (Baukau)-Primeiru Ministru (PM), Taur Matan Ruak, dadaun ne’e hakilar kontinua nafatin hodi kontra lei pensaun vitalisia iha Timor-Leste.

Tempotimor (Dili)-Prezidente Komisaun A trata asuntu Justisa no Konstituisionál, Joquim dos Santos 'Borululi' hatete, sira sei analiza no estuda konseitu husi lei pensaun vitalisia hodi tetu aspetu hothotu molok intergra diretu ida ba rejime remuneratóriu.

Tempotimor (Dili)-Komisaun A trata asuntu justisa no konstituisionál iha Parlamentu Nasionál (PN), konsidera diskusaun proposta-alterasaun Lei Pensaun Vitalísia ne'ebé aprezenta husi Governu ne'e la'ós urjénsia.

Tempotimor (Dili)-Prezidente Parlamentu Nasionál (PN), Aniceto Longuinhos Guiteres Lopes, deklara nia parte lakoi budu proposta alterasaun lei pensaun vitalisia (LPV) durante asume kargu Prezidente.

Tempotimor (Dili)- Parlamentu Nasionál (PN) durante ne’e sei rai hela alterasaun ba Lei Pensaun Vitalisia (LPV) iha gaveta laran, tanba to’o agora seidauk halo diskusaun hodi altera.

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Joaquim dos Santos konsidera, Parlamentu Nasionál (PN) difísil atu halakon lei pensaun vitalísia tanba diretu ne'e Konstituisaun Repúblika Demokratika Timor-Leste garantia.