Tempotimor (Baukau)-Kominsaun Funsaun Públika (CFP-sigla portugés) sei aprezenta relatoriu kazu funsionáriu selingku iha servisu fatin no komete asediu seksuál ba Parlamentu Nasionál (PN) iha tempu badak.

Tempotimor (Díli)- Komisáriu Komisaun Funsaun Públika  (KFP) Assuntu Disiplinár, Fausto Freitas da Silva esplika, laiha dekretu lei ida autoriza funsionáriu públiku (FP) utiliza karreta Estadu hodi tula família, maibé espiritu lei fó dalan ba kargu xefia utiliza tula oan ba eskola.

Tempotimor (Dili)-Funsionáriu Públiku (FP) hamutuk atus-ida-resin husi Komisaun Funsaun Públika (KFP) no Ministériu Saude (MS) hahú realiza atividade marsa saudavél ba komemorasaun loron nasionál KFP ba dala-hitu sei monu iha loron 15 fulan-jullu 2021.

Tempotimor (Dili)-Prezidente Parlamentu Nasionál (PN), Aniceto Longuinho Guteres Lopez, deside atu buka tempo hodi fó oportunidade ba Komisaun Funsaun Públika (KFP) aprezenta relatóriu anuál, antes resesu iha loron 15 fulan-jullu.

Tempotimor (Dili)-Komisaun Funsaun Públika (KFP) deside hala'o kordenasaun ho Prezidente Bee Timor-Leste, empreza públika (BTL.ep), Carlos dos Reis, atubele rezolve problema Funsionáriu Públiku hamutuk 196 iha Diresaun Jerál Agua Saneamentu (DJAS), ne’ebé hetan ezenerasaun.

Tempotimor (Dili)-Komisaun Funsaun Públika (KFP) konsege identifika ona Funsionáriu Públiku (FP) hamutuk rihun-lima ne’ebé idade tama iha kategória reforma.

Tempotimor (Dili)-Instituisaun Estadu tolu deside sei regula tratamentu proposta individual Funsionáriu Públiku (FP) ne’ebé durante ne’e aprezenta hodi hetan formasaun no bolsu estudu iha rai-laran no estranjeiru. 

Tanba ne’e, instituisaun sira ne’e hanesan Komisaun Funsaun Públika (KFP), Institutu Administrasaun Públika (INAP) ho Fundo Dezenvolvimento Capitál Humano (FDCH) selebra akordu ida hodi halo monitorizasaun.

Komisáriu Komisaun Funsaun Públika (KFP), António Freitas hatete, akordu ida ne'e atu regula no kumprimenta ba dekretu lei sira seluk. Hanesan dekretu lei númeru 13/2021, nomós dekretu lei 38 kona-ba formasaun ba FP sira.

“Ida ne'e atu regula kona-ba odamatan ida de'it sobre tratamentu formasaun ba ita-nia funsionáriu públiku sira ne'ebé durante unilateralmente ida-idak ba aprezenta ninia proposta iha FDCH. Entaun, bainhira remata, ita lahatene, ita sempre halo levantamentu dehan, falta rekursu umanu, afinal ida por ida, depois remata, laiha ema ida filafali mai atu kontinua servi ita-nia estadu, mais ba fali fatin seluk”, esplika António Freitas iha Matadouro, segund (31/05).

Husi kooperasaun ne’ebé hala'o iha edifísiu KFP Matadoru, atu foka liu formasaun ba funsionáriu públiku sira husi parte instituisaun tolu nian.

Ho ida ne’e KFP, INAP no FDCH kria morandu ida ne'e atubele servisu ho kooperasaun di'ak liután, hodi regula no monitoriza, avalia FP sira ne'ebé tuir formasaun iha rai laran nomós liur, assisténsia bolsu estudu, kursu formasaun sira seluk ne'ebé tutela ba kompeténsia instituisaun sira ne'e.

“Ita hili de'it instituisaun superior sira ne'ebé hetan rekuñesimentu husi instuisaun tolu, la’ós ba hothotu. Ami enkamiña ba INAP, depois FDCH”, hatete nia. 

Nune’e Diretór Jerál Institutu Nasional Administrasaun Públika (INAP), Agostinho Letençio de Deus hatete, assinatura ne’ebé ko'alia kona-ba formasaun, bolsa estudu ho assisténsia  estudu, ne’ebé prosesu hotu termina ona ho kritériu.

“Ita iha ona rekezitu sira ne'ebé mak funsionáriu ida-idak tenke kompleta, e depende ba tipu saida, formasaun ka bolsu estudu ka ou assisténsia estudu. Kada tipu ida-idak, iha nia kritéria no rekezitu rasik”, dehan nia.

Entretantu Diretóra Fundo Dezenvolvimento do Capitál Humano (FDCH), Leila Cárceres dos Santos afirama, iha tinan 2021, orsamentu ne'ebé rejista iha livru 6, ho valór hamutuk rihun US$816, ne'ebé FDCH atribui ba INAP atubele haree ba programa haat (4) iha asuntu formasaun ninian.

“Formasaun ne'ebé tau iha programa formasaun ba área jenérika, espesialidaza, e bolsa estudu nomós apoiu subsídiu ba estudante funsionáriu públiku sira. Entaun, ita foka liu mak ba funsionáriu públiku sira”, afirma nia. (*)

Tempotimor (Dili) - Tribunal Distrital Dili (TDD) liu husi julgamentu primeiru interrogatóriu koordena ona atu liberta eis Prezidenti Komisaun Funsaun Publika (KFP) ho inisial LP ne'ebé deskonfia involve iha krime partisipasaun ekonomia.

Tempotimor (Dili)-Maske governu ho Komisaun Funsaun Publika hatene funsionáriu sira ne'ebé tama ona ba idade reforma no balun liu ona tinan reforma nian, maibé kontinua nafatin hala'o kna'ar ativu nu'idar funsionáriu públiku.

Tuir Komisária ba Rekrutamentu Selesaun Promosaun no Kareira iha Funsaun Públika, iha Komisaun Funsaun Públika (KFP), Carmeneza dos Santos Monteiro, katak, lei ne'ebé Timor-Leste adopta, la'ós fó reforma ba ema tuir idade, maibé fila fali ba funsionáriu nia hakarak rasik.

"Agora dadaun ne'e númeru ba reforma ne'e aas duni, maibé ita sei adopa lei ida ne'ebé fó direitu ba ema atu deside, katak reforma ne'e voluntáriu laiha natureza obrigatóriu," dehan Carmeneza iha edifísiu KFP Vila-Verde, Dili, Kuarta (28/10).

Nia mós afirma, tuir lei, funsionáriu públiku ne'ebé liu ona tinan 60 ba leten bele deside atu kontinua hela iha funsionáriu públiku para servisu ka reforma, maibé la'ós obrigatóriu husi instituisaun inklui mós KFP.

Komisária ne'e mós afirma, dadus ba funsionáriu públiku ne'ebé liu ona tinan 60 ne'e kuaze rihun 12, maibé tuir demográfiku katak, sira ne'ebé atu besik ba tinan 60 mós númeru aas hotu.

Entretantu dadus ne'ebé www.tempotimor.com asesu katak, funsionáriu públiku ne'ebé tinan besik 60 no balun ne'ebé iha ona tinan 86 hamutuk na'in 3.194 mak sei ativu.

"Demográfiku idade ba reforma husi funsionáriu públiku ne'ebé atu tama ba reforma ka tinan 59 hamutuk na'in 512 no sira ne'ebé husi tinan 60 to'o 86 hamutuk 2,682, nune'e totál funsionáriu ne'ebé atu tama ba faze reforma no liu ona tinan reforma nian hamutuk 3,194," haktuir dadus SIGAP.KFP.TL nian.

Alende ne'e iha mós informasaun balun katak funsionáriu balun mate ona maibé vensimentu kontinua la'o, tanba ne'e parte KFP sei buka hatene.

"Dadus agora seidauk iha, maibé KFP sei servisu hamutuk ho Ministériu Finansas (MF) para hetan dadus, tanba pagamentu mai husi MF, entaun ami sei haree iha duni ka lae, maibé iha ona espekulasaun entaun ami sei buka hatene ninia verasidade, loos ka lae," dehan Komisária ne'e.(*)

Tempotimor (Dili)-Hahú husi tinan 2001 to’o ohin loron, membru Polisia Nasionál Timor-Leste (PNTL) kumpre estatutu Komisaun Funsaun Públika (KFP) nune’e Komando PNTL “ladun” iha poder hodi foti desizaun bainhira nia membru balun komete kazu ruma.