Tempotimor (Díli)-Ministru Transporte Komunikasaun (MTK), José Agostinho da Silva hatete, nia parte prontu hatan iha Tribunál bainhira Komisaun Anti Korrupsaun (KAK) lori kazu Ró Tranship II Gresik ba Tribunál.

Tempotimor (Dili)-Deskonfia Ministru Transportes no Telekomunikasaun (MTK), José Agostinho da Silva, 'subar' rezultadu inspesaun ne'ebé Komisaun Anti Korrupsaun (KAK) halo kona-ba Ró Tranship II Gresik ba Primeiru Ministru (PM), Taur Matan Ruak.

Tempotimor (Dili)- Fórum Organizasaun Naun Governamentál Timor-Leste (FONGTIL) husu ba Komisaun Anti Korrupsaun (KAK) atu kaptura imediata Ministru Transportes no Telekomunikasaun (MTK), José Agostinho da Silva, tanba deskonfia aluga Ró Tranship II Gresik ne'ebé kondisaun la seguru hodi lori risku ba sidadaun Timor-Leste.

“Husu ba KAK atu halo kapturasaun imediata ba Ministru Transporte no Komunikasaun ho nia diretór sira tanba konsidera ida ne'e hanesan fragante de lito, tuir kódigu prosesu penal, artigu 219”, deklara Diretór Ezekutivu FONGTIL, Daniel Santos do Cramo, liuhusi konferénsia imprénsa iha Kaikoli, segunda (14/06).

Tanba ne’e, konsidera diretór sira MTK utiliza oportunidade hodi habokur-an iha situasaun difísil ne'ebé povu sofre maka'as husi impaktu globál Covid-19.

Tuir informasaun ne'ebé FONGTIL asesu kona-ba aluga Ró transhio II ne'e, mina kada viajen, gastus to’o litru milliaun US$ 31 no bele liu ida ne'e.

Aleinde ne'e, rendimentu husi kada viajen ba Ataúro ka ba Oekussi, nia rendimentu hetan to'o de'it rihun US$5 to'o 6.

“Depois prosesu aluga ró ne'e lada fulan US$220 mill, kada fulan. Entaun, kompara rendimentu ho osan ne'ebé ita hasai ba aluga no mina, la balansu. Tanba ne'e mak ami konsidera ida ne'e, prejuizu ba estadu, estadu lakon, entaun kategória ida ne'e kríme”, dehan Daniel.

Nune’e mós kondisaun ró ne'e rasik la seguru, hodi halo viajen hanesan públiku akompaña ona katak, viajen husi Dili ba Postu Ataúro, lori tempu oras haat, kompara ho Ró Succes no Nakroma, oras ida ho balu.

“Rekomendasaun sira bazeia ba lakon ka prejuizu sira ne'ebé analiza husi dadus ne'ebé ita asesu, mak primeiru ita husu ba Primeiru Ministru, atu kansela aluga ró ne'e”, afirma nia.

Hoi da ne’e, husu ba KAK atu hasai despaixu hodi kansela Ró Tranship II nia operasaun tanba sei prejudika seguransa ba moris populasaun ne'ebé uza ró ne'e.

Bainhira www.tempotimor.com,  tenta konfirma ho Ministru Transporte no Telekomunikasaun (MTK), José Agostinho da Silva, iha nia servisu fatin, maibé rezeita la fó komentáriu. (*)

Tempotimor (Dili)-Primeiru Ministru (PM), Taur Matan Ruak deklara, nia parte laiha koñesimentun kona-ba Komisaun Anti Korrupsaun (KAK) ne’ebé deteta irregularidade iha prosesu aprovizionamentu Ró Tranship II Gresik.

Tempotimor (Dili)-Deputadu 65 iha Parlamentu Nasionál (PN) deside hodi atualiza deklarasaun riku-soin ba Tribunál Rekursu (TR), tanba bazeia ba lei Medida Prevensaun no Kombate Korrupsaun (MPKK).

Prezidentde PN, Aniceto Longuinhos Guteres Lopes hatete, deklarasaun bens servisu ba kada deputadu ne'e, husi inisiu rejista ona iha Tribunál Rekursu tuir lei anterior, maibé tenke atualiza filafali tanba kumpre ba lei foun.

“Deklarasaun bens ne'e iha anterior no antes lei ne'e sai ne'e deputadu sira hato'o tiha ona deklarasaun de bens, kuandu iha inisiu de mandatu halo tiha ona, ida ne'e sei kumpre nafatin maibé hanesan lei ne'ebé hatete mós tenke atualiza ona, lei foun ne'e, atualiza ba tribunál rekursu”, deklara Aniceto Guteres hafoin marka audénsia ho Arsebispu Metropolitana Arkedioseze Dili, Dom Virgílio do Carmo da Silva iha  Lesidere, kinta (10/06).

Tanba, iha loron kuarta (09/06) Prezidente PN Aniceto Guteres mós marka ona audénsia ho Prezidente Tribunál Rekursu (PTR), Deolindo dos Santos, hodi buka solusaun ba kestaun ne'e.

“Ami ko’alia, hanesan tipu de koordenasaun ida oinsá mak prosesu ne'e bele solusiona”, hatete nia.

Nune'e, orgaun soberanu ne'ebé atu ba halo rejista iha tribunál rekursu ne'e, husi Prezidente Repúblika (PR), deputadu no membru governu maibé ba entidade sira seluk ne'ebé la'ós tuteladu ba orgaun soberanu, sei ba rejistu de'it iha Komisaun Anti Korrupsaun (KAK).

“Esektu membru governu ho deputadu sira ne'ebé tuteladu ba orgaun soberanu ne'e mak iha tribunál rekursu, maibá restu inklui tribunál rekursu ba fali iha KAK, ba rejista iha ne'eba”, dehan nia.

Tanba ne'e deputadu sira ne'e asume kargu substituisaun temporaria, ne'e la presiza halo atualizasaun ba deklarasaun riku soin iha Tribunál Rekursu.

“Se hanesan semana ida ka fulan ida de'it ne'e la presiza, não ser, se nia ba halo ona substituisaun to’o momentu kuandu atualiza, ida subsituitutu ne'e mós tenke atualiza, ou rejistu ninia bens”, deklara nia. (*)

Tempotimor (Dili)-Komisaun Anti Korrupsaun (KAK) liuhusi servisu prevensaun no sensibilizasaun rekomenda ba Ministériu Transporte no Komunikasaun (MTK) atu suspende proviziria operasaun Ró Tranship II, tanba rezultadu inspesaun deteta iregularidade iha prosesu aprovizionamentu.

Tempotimor (Dili)-Uniaun Europeia (UE) no Programa Nasaun Unidas ba Dezenvolvimentu (PNUD) fó apoiu ekipamentu informátiku ba Komisaun Anti Korrupsaun (KAK) hodi prevene korrupsaun iha Timor Leste (TL).

Tempotimor (Dili)-Komisaun Anti Korrupsaun (KAK) liuhusi kna’ar prevensaun no investigasaun konsege detein funsionáriu ida husi Universidade Nasional Timor Lorosa'e (UNTL) iha sela detensaun, tanba komete irregularidade ho kríme konsumadu.

“Iha tinan kotuk ba, ita halo detensaun ba funsionáriu sira mai husi dosente UNTL que ha'u la temi nia naran, maibé ita halo detein ba suspeitu ne'e, agora nia prosesu la'o hela iha tribunál. Ita-boot sira bele akompaña besik liután, iha altura ne'ebá ita detein tanba nia halo krimi konsumadu ida”, deklara Komisáriu KAK, Sergio Hornai ba www.tempotimor.com iha nia kna’ar fatin Faról, tersa (08/06).

Sidadaun mane ne'e nu'udár dosente UNTL, KAK detein durante oras 72 tuir prazu máximu no hakarak ka lakohi tenke detein duni suspeitu bele to'o oras rua ka lima. Sei bele iha koordenasaun ho autoridade kompétente sira bele sujeita ona ba primeiru interrogatóriu.

“Agora, dala-ruma tanba sá mak ita tenke to'o 72 oras, tanba ita presiza halo interrogatóriu ba suspeitu ne'e atu hatete loloos kona-ba ninia identifikasaun nomós ninia aktu inisial ne'ebé mak nia halo husi prátika kriminal ne'ebé mak nia halo, e ita halo ona prosesu julmentu la'o dadauk hela iha tribunal”, esplika nia.

KAK sei kontinua halo esforsu maka'as, halo nafatin vizilánsia atu haree suspeitu ne'ebé sira deteta katak, merese atu halo detensaun.

Tanba objetivu prinsipál husi estabelese sala detensaun iha KAK, atubele kontrola ema sira ne'ebé iha poténsia halo dadauk aktu, halo tentasaun ka halo dadauk asaun kriminal ruma ne'ebé iha natureza kríme korrupsaun nian hanesam kríme passivu, krime korupsaun ativu, abuzu poder nomós halo partisipasaun ekonómika.

Mais kuandu iha flagante-de-lito, ita iha kompeténsia atubele halo detensaun ba quell quer suspeitu ba ema ruma que ita deskonfia, sai hanesan alvu ba komisaun anti korupsaun atu detein”, afirma nia.

Entretantu, iha semestre dahuluk tinan 2021, sura husi fulan-janeiru to'o fulan-juñu, halo investigasaun ba kazu hamutuk 30-resin, liliu krime korupasaun, pekulatu-de-uzu, depois iha admisaun-da-noza, nomós iha kríme korupsaun ba artisipasaun ekonómika. (*)

 

 

 

Tempotimor (Dili)-Komisaun Anti Korrupsaun (KAK) liuhusi diresaun Prevensaun no Sensibilizasaun hamutuk ho Diresaun Nasionál Transporte Marítima (DNTM) hala'o inspesaun ba Ró Sukses no Tranship II ne'ebé governu kontrata hodi mai hala'o operasaun iha Timor-Leste, kinta (03/06).

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter