Tempotimor (Dili)-Deputadu Bankada Partidu Demokrátiku (PD), Adriano do Nacimento, konsidera Parlamentu Nasionál (PN) hadau kompeténsia (poder) husi Konsellu Superior Majistradu Judisiáriu (KSMJ) kona-bá rekrutamentu juiz ba Tribunál Supremu.

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes hatete, Komisaun G trata asuntu edukasaun, juventude, kultura no sidadania presiza identifika problema fukun iha seitór edukasaun.

Tempotimor (Dili)-Deputadu Bankada Partidu Demokrátiku (PD), Adriano do Nacimento hatete, nia parte sai vítima ba moras covid-19 tanba hetan infetadu hodi foin lalais kumpre ona auto-kuarantena durante loron 14 iha Sidade Dili.

Tempotimor (Dili)- Iha Sesta (6/11) Deputadu Adriano do Nascimento husi bankada Partidu Demokratiku (PD), tenke hamriik deit hodi asiste komisaun C ne'ebé trata asuntu Finansas Públika no Komisaun E ne'ebé trata asuntu Infraestrutura ne’ebé hala'o hela audiénsia públika ho Ministériu Finansas (MF) kona-ba proposta lei Orsamentu Jerál estadu 2021 iha salaun plenária Parlamentu Nasionál (PN), tanba nia kadeira “lakon”.

Tempotimor (Dili)-Komisaun Inkeritu Parlamentar (KIP) ne’ebé Parlamentu Nasionál forma hodi halo investigasaun ba projetu 143 ne’ebé seidauk hetan pagamentu ikus mai identifika katak la’os projetu ida ne’e de’it mak laiha kontratu, maibé iha mós projetu 500 seluk. Signifika, total projetu ne’ebé laiha kontratu hamutuk 643.

Tempotimor (Dili)-Deputadu husi bankada PD Adriano do Nacimento hamosu ideia ida atu Prezidente Repúblika Francisco Guterres Lu Olo no Primeiru Ministru Taur Matan Ruak forma ekipa nasionál ida ne'ebé kompostu husi lider nasionál sira hodi hamutuk buka solusaun ba problema ne'ebé Timor-Leste hasoru daudauk.

Tempotimor (Dili) – Deputadu Adriano do Nascimento dehan, nu'udar Prezidente foun ba Rejiaun Administrativa Espesiál Oekusi Ambeno (RAEOA) no Zona Espesiál Ekonomia Sosiál Merkadu (ZEESM), José Luis Guterres ‘LUGU’ ba halo kontinuasaun de'it obra ne'ebé durante ne'e Mari Alkatiri halo ona iha Oekusi.

"Atualmente nia prezidente RAEOA ona. Agora, ita hein ninia kapasidade atu hatuur konfiansa legál no polítika ne'ebé VIII Governu fó. Prezidente autoriedade tenke hatudu ninia kapasidade intelektuál, sensibilidade polítika atu haree kestaun Oekusi nian, nomós sensibilidade ekonomika hodi hatur RAEOA nu'udar rejiaun espesiál," dehan deputadu PD Adriano do Nascimento iha PN, Kinta (14/11/19).

Adriano fiar, prezidente foun RAEOA ba la'ós atu halo buat foun, maibé kontinua de'it obra ne'ebé Mari Alkatiri hahú tiha ona.

"Señor LUGU ba iha ne'ebá la'ós buat foun. Nia hamriik iha Dr. Mari ninia obra maka dezafiu boot ba nia. Ema sei halo komparasaun. Seraké Mari nia jestaun ukun mak di'ak-liu ka LUGU nia ukun mak di'ak-liu. Tanba, bele dehan katak Dr. Mari halo buat ne'ebé di'ak-liu kompara ho obra iha Dili laran," dehan Adriano.

Nia afirma, durante ne'e lideransa Mari nian, bele dehan katak iha de'it Pante Makasar. Maibé, foti ona nasaun no rejiaun nia oin iha mundu. Maski, iha postu sira seluk seidauk. Maibé, iha faze pur faze.

"Dezafiu ba LUGU mak ne'e, seraké nia bele to'o iha ne'ebá ka la'e? Nia kontrolu ba kualidade obra nian ne'e, to'o iha ne'ebá ka la'e? Maibé, señor LUGU mós keta haluhan katak molok Dr. Mari sai husi Oekusi ami PN politiza tiha ona Oekusi ne'e," dehan Adriano.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter